Latest Forum Topics

11 bjondina

lori — Tue, 07 Sep 2010 16:41:55 +0000

11 bjondina
Gjate nje ngjitjeje neper shkembinje, 11 bjonde dhe 1 zeshkane kishin ngecur te kapura per litar. Litari nuk i mbante te gjitha dhe mund te keputej dhe te gjitha do vdisnin.
Zeshkanja fillon t'u flase perzemersisht bjondinave se si ajo do te sakrifikonte veten e saj per te shpetuar jeten e 11 bjondinave.

Ne fund, te gjitha bjondinat duartrokasin.

Ke preferoni me shume Zeshkanet apo Bjondet ?

lori — Tue, 07 Sep 2010 16:29:28 +0000

Ke preferoni me shume Zeshkanet apo Bjondet ???

Sipas mendimit tuaj cilat jan me terfeqese zeshkanet apo bjondet

10 këshilla se si të kurseni para

albina — Mon, 06 Sep 2010 18:38:25 +0000

Përballojini krizat duke mësuar të hiqni mënjanë disa të holla dhe jo duke shpenzuar në gjëra pa vlerë. Ja mënyra e duhur.

Secili prej nesh ka një mënyrë të vetën për të kursyer para, por jo të gjithë arrijnë ta bëjnë një gjë të tillë. Për dorëlëshuarit, sajti amerikan “ehow.com” ka hartuar një sistem të përbërë prej dhjetë pikash të thjeshta, të cilat të mësojnë se si të shpenzosh më pak të holla, gjë që në këtë periudhë krize nuk është vetëm e sigurt, por edhe e nevojshme. Dihet që muajt më të mirë për të kursyer para janë gjatë verës, jo kur jeni me pushime, por kur qëndroni në shtëpi. Gjatë asaj periudhe keni më pak stres pune dhe më pak miq rreth e rrotull me të cilët të dilni darkave, apo të bëni pazar. Përveç kësaj keni edhe gjithë kohën e botës në dispozicion për t’u ulur në tavolinë dhe për të bërë llogaritë.

Paratë nuk mjaftojnë kurrë, megjithatë mund të fitoni duke marrë ndonjë shpërblim të vogël në punë, ose duke gjetur diçka tjetër e cila është më e thjeshtë për t’u realizuar. Për të pasur më shumë para në dispozicion, duke mbajtur të pandryshuar standardin e jetesës, do të mjaftonte të kursenit pak më shumë, pa e tepruar me koston e blerjeve, sidomos për produktet e përditshme që blihen më shpesh. Ka shumë nga ata që besojnë se për të shpenzuar më pak është e nevojshme të blihen produkte të një cilësie të ulët, por nuk është kështu. Sot është e lehtë të gjesh produkte cilësore me çmim të ulët, sepse të gjitha aktivitetet tregtare, madje edhe një dyqan i vogël poshtë shtëpisë, bëjnë oferta speciale dhe ulje çmimesh. Kështu, për të kursyer, gjithmonë pa hequr dorë nga cilësia, është e nevojshme të dini ku ta blini produktin që keni nevojë.

Ja dhjetë këshillat e nevojshme:

1. Në fillim duhet të analizoni situatën tuaj ekonomike: të shkruani në një fletore të gjitha shpenzimet tuaja ditore, duke shënuar vendin, paratë e shpenzuara dhe kohën e kryerjes së verimit. Llogaritë duhet të jenë të detajuara, pra shënoni gjithçka: biletat e autobusëve, kafetë, madje edhe qindarkat e shpenzuara sa andej-këndej. Gjithçka që del nga xhepi duhet shkruar e zezë mbi të bardhë.

2. Hapi i dytë është ndarja në fund të javës së parë e shpenzimeve në bazë të produkteve të tepërta, ato të përdorshme por jo të nevojshme, dhe ato të domosdoshme. Shuma e dy kategorive të para do ju tregojë sa mund të kurseni gjatë shtatë ditëve të ardhshme.

3. Natyrisht që nuk mund të jetohet vetëm me produktet të cilat janë shumë të nevojshme. Edhe librat, kinemaja, teatri, një aperitiv në bar me miqtë janë të rëndësishme, por vetëm kini kujdes, mos e teproni, sepse rregulli mund të prishet.

4. E hëna. Mund të filloni të zgjidhni një ditë të javës, të parën për shembull, që nuk do të shpenzoni asnjë qindarkë. Do të jetë një ditë me shpenzime zero. Asnjë blerje për të ngrënë, asnjë kafe, gazetë, apo xhiro në supermarket (sepse është mirë që tundimet të shmangen gjithmonë).

5. Një këshillë tjetër është që të bëni kujdes me buxhetin. Tërhiqni nga bankomati aq të holla sa ju nevojiten dhe shtrëngojeni dorën duke blerë vetëm produktet më të nevojshme gjatë javës. Kartën e kreditit është mirë që ta mbyllni në një sirtar.

6. Pasi keni provuar një ditë duke mos shpenzuar asgjë, mund t’ia arrini sërish. Sekreti fshihet tek organizimi: shpenzimi, për shembull, duhet bërë duke sjellë ndërmend që gjatë atyre ditëve nuk është e domosdoshme të shkosh në supermarket, te bukëpjekësi, të darkosh në një restorant, apo të porositësh picë në shtëpi. Provoni t’i rezistoni tundimit.

7. Tregojuni të tjerëve (qofshin miq ose kolegë) se është diçka e mirë po të sforcohen që ta shtrëngojnë pak dorën: kjo është deklaratë e rëndësishme, me të cilën u tregoni të tjerëve se po bëni një përpjekje të rëndësishme, por edhe një kërkesë apo tentativë pikërisht gjatë ditëve me kosto zero.

8. Nëse nuk keni llogari bankare, atëherë ju vjen në ndihmë derri prej porcelani: mund të zgjidhni një shifër që dëshironi, pastaj vini mënjanë të hollat që do të shpenzoni gjatë muajit ose javës.

9. Këto janë rregullat e para që duhet të ndiqni për një muaj me radhë. Nëse gjithçka funksionon ashtu siç e keni dëshiruar, mund të mendoni të hidhni një hap tjetër përpara: të arrini për shembull një shifër të caktuar si bonus, pavarësisht parave që keni shpenzuar gjatë ditës. Mund të imagjinoni sikur keni marrë një shpërblim të vogël, ose një pagesë për një punë të kryer.

10. Nëse vazhdoni kështu për gjashtë muaj, duke u rezistuar tundimeve, duke shënuar në fletore çdo shpenzim të bërë për produktet e nevojshme dhe për plotësimin e ndonjë dëshire, jeni në rrugë të mbarë për t’u bërë një kursimtar/e i/e vërtetë.

Rovena Stefa, ajo që "rrjep" kosovarët

albina — Mon, 06 Sep 2010 18:31:16 +0000

E ta merrte mendja, se për një këngëtare si Rovena, klubi do të ishte mbushur plot me njerëz. Por sa hyje te një portë e sajuar, ku të priste e motra e Rovenës, të shfaqej një vend gjigant, me postera të Rovenës gjithandej, por që gjithë e gjithë brenda klubit, ishin vetëm nja 20 a 30 vetë. Epo, ndoshta me kohën do të vinin, dhe ky është mendimi i parë që të vjen në mend.

Fundjavën e kaluar, pikërisht më datën 29 Gusht, këngëtarja shqiptare Rovena Stefa po organizonte shown e fundit të saj të mbylljes së sezonit veror të këtij viti në qytetin turistik të Durrësit, duke përshëndetur kosovarët nga Peja, Gjakova, Prishtina, Prizreni, e duke kënduar vetë Rovena live në klubin e saj për të gjithë ata që do të linin pushimet.

E ta merrte mendja, se për një këngëtare si Rovena, klubi do të ishte mbushur plot me njerëz. Por sa hyje te një portë e sajuar, ku të priste e motra e Rovenës, të shfaqej një vend gjigant, me postera të Rovenës gjithandej, por që gjithë e gjithë brenda klubit, ishin vetëm nja 20 a 30 vetë. Epo, ndoshta me kohën do të vinin, dhe ky është mendimi i parë që të vjen në mend.

Rovena këndonte e këndonte pa pushim, këngë nga Shqipëria e këngë nga Kosova, por askush nuk dukej te porta. Dhe me vete pyet se pse. Por sa përfundon birrën e parë, kërkon faturën: e ç’të shohësh, një birrë te klubi i Rovenës kushton jo pak, por plot 700 lekë, dhe bëhej fjalë për të njëjtën birrë që me shumicë e gjen vetëm 70 lekë (të reja).

Sigurisht, dikush do të thotë se është lokali i saj, zgjedhje e këngëtares, dhe kush do ta dëgjojë live duke kënduar, do të duhet të pranonte edhe çmimet e kripura të klubit. Por njerëzit, që sot nuk janë “budallenj” e kishin bërë zgjedhjen e tyre.

Emmy, foto sensuale në bregdet

albina — Mon, 06 Sep 2010 18:14:39 +0000

Ndryshe nga herët e tjera këngëtarja simpatike Emmy në klipin e saj të titulluar “A ma jep” ka prezantuar një imazh dhe një performancë mjaft seksi.

Këtë verë Emmy, është paraqitur me një dukje të veçantë dhe me një trup mjaft perfekt. Kjo
vihet re qartë edhe nga fotot e saj. Sikurse këngëtaret e tjera edhe ajo nuk i ka shpëtuar objektivit të aparatit gjatë pushimeve në bregdet.

Edhe pse stina e verës për të dhe koleget e saj ishte e mbushur me koncerte, koha për relaks siç duket gjendet gjithmonë.

Maqedonia kërkon ekstradimin e Lirim Jakupit

albina — Mon, 06 Sep 2010 18:01:10 +0000

Nga Ministria e Drejtësisë theksojnë se sipas procedurës duhet të locohet vendi ku është personi, pas çka deri te autoritetet vendore dërgohet kërkesë për ekstradimin. Edhe pse Shkupi dhe Prishtina nuk kanë marrëveshje të nënshkruar për riatdhetesim, ekziston mundësia që ai t'u dorëzohet autoriteteve të Maqedonisë në bazë të konventave ndërkombëtare.
Maqedonia kërkon ekstradimin e Lirim Jakupit

Maqedonia e cila ka shpallur urdhër-arrest ndërkombëtar pas Lirim Jakupit- Nazistit do të kërkojë riatdhetësimin e tij menjëherë sapo të marrë informacion zyrtar nga Interpoli për atë se ku ndodhet saktë. Pasi që do të arrijë njoftimi, Ministria e Drejtësisë do të fillojë me procedurat për dërgim të kërkesës për riatdhesim, me dokumentacionin e nevojshëm për vepra të kryera penale.

Nga Ministria e Drejtësisë theksojnë se sipas procedurës duhet të locohet vendi ku është personi, pas çka deri te autoritetet vendore dërgohet kërkesë për ekstradimin. Edhe pse Shkupi dhe Prishtina nuk kanë marrëveshje të nënshkruar për riatdhetesim, ekziston mundësia që ai t'u dorëzohet autoriteteve të Maqedonisë në bazë të konventave ndërkombëtare.

"Konkretisht për Prishtinën, deri më tani nuk ka ekzistuar kurrfarë problemi rreth riatdhetësimit të personave, të cilët i kemi kërkuar. Ekstradimi deri më tani është kryer rregullisht dhe natyrisht pa kurrfarë komplikimi. Deri më tani ka pasur edhe raste të tjera. Nëse ata do ta dorëzojnë, ky është vendim i tyre, me rëndësi është që ne të dërgojmë kërkesë", deklaroi për MIA-n Mirjana Ilieva, zëdhënëse e Ministrisë së Drejtësisë. Interpoli në afat sa më të shpejtë kohor, prej një deri në tre ditë, dërgon njoftim, pas çka si procedurë urgjente dërgohet kërkesa deri te autoritetet adekuate.

Forcat policore të Maqedonisë dhe Kosovës janë në kontakt të përhershëm pasi që dje në qendër të Prishtinës u arrestua Lirim Jakupi - Nacisti (31), i cili ka qenë i kërkuar me urdhër-arrest të lëshuar nga Drejtoria e Burgut të Dubravës në Kosovë, për veprën penale arratisje nga ky burg më 18 gusht 2007.

Ende nuk ka informacione nëse Jakupi, i cili ndodhet në paraburgim policor 48-orësh, do të riatdhetësohet në Maqedoni ose në Serbi, duke pasur parasysh faktin se edhe në Kosovë edhe në Maqedoni dhe Serbi është i akuzuar për kryerje të veprave të rënda penale.

Ende nuk dihet nëse Jakupi, i lindur në Bujanoc, ndërsa është shtetas i Kosovës, do të ekstradohet në Maqedoni.

Pas informacioneve operative paraprakisht të marra, Jakupi është arrestuar dje rreth orës 12 e 20 minuta në rrugën "Bajram Bahtiri" në Prishtinë, ku janë gjetur dhe konfiskuar një pushkë automatike-kallashnikov, dy granata dhe dy revole.

Nga MPB-ja përkujtojnë se Jakupi - Nazisti nga organet hetuese të Maqedonisë kërkohet për një numër të madh të veprave penale për të cilat veçmë edhe është dënuar shumë vjet burgim.

Policia në bazë të urdhëresave nga gjyqet e Maqedonisë në periudhën prej vitit 2005 deri në vitin 2010 ka shpallur veçmë tre urdhër arreste:

Urdhër arresti i parë është shpallur më 2 mars të vitit 2005, në bazë të urdhërit nga Gjykata Themelore - tetovë, nën dyshimin për vepër penale të kryer ndaj personit zyrtar gjatë kryerjes së detyrave zyrtare dhe për përpunim dhe tregtim ilegal me armë dhe materie shpërthyese.

I dyti është nga Gjykata Themelore - Shkup 1 më 20 nëntor të vitit 2007, kur në mungesë i është shqiptuar masë paraburgim për "organizim terrorist" gjegjësisht lidhur me rastin "Brodec" për të cilin është dënuar me 15 vjet burg.

Urdhër arresti i fundit është shpallur më 18.01.2010 sërish në bazë të urdhërit nga Gjykata Themelore - Tetovë për vuajtje të dënimit burg prej 15 vjet.

Lirim Jakupi Nazisti nga Maqedonia për herë të fundit ka ikur pas aksionit policor në Brodec të Tetovës, në fund të vitit 2007 kur u vranë gjashtë pjesëtarë të grupit të tij.

Në fund të vitit 2004 në një aksion për arrestim të tij në Tetovë, Jakupi i plagosur ka ikur nga forcat speciale të Maqedonisë, ndërsa një nga bashkëpunëtorët e tij është vrarë.

Policia kosovare e arrestoi, por me një grup më të madh të kriminelëve në gusht të vitit 2007 arriti të ikë nga burgu në Dubravë ku vuante dënim me burg prej 40-vjet.

Ora më e madhe në botë… në Mekë

murgesha — Mon, 06 Sep 2010 16:28:30 +0000

është vënë në punë ora më e madhe në botë. Autoritet duan që ora me diametër rreth 43 metra të jetë tregues i “orës së saktë” për botën myslimane duke zëvendësuar standardin Greenwhich.
Ora e Mekës është rreth 7 herë me e madhe se ajo e Big Ben të Londrës, dhe është e vendosur të kullën e dytë më të lartë në botë, 577 metra e lartë. Kulla më e lartë në botë është Burj Khalife
, 828 metra e lartë e ndërtuar në Dubai.

Ndërtimi i ndërtesës mbi të cilën është vendosur ora mendohet se do të kushtojë rreth 2 miliardë dollarë.

Kullën e orës, në të cilën shkruhet në çdo anë “Bismilah”e zbukurojnë mbi 90 milion mozaikë xhamash dhe e ndriçojnë me 21 000 drita të bardha dhe të gjelbra. Kjo orë mund të shihet nga një largësi prej 30 kilometrash.

Qyteti i Mekës vizitohet nga miliona vizitore gjatë vitit, veçanërisht në periudhën e haxhillëkut, prandaj autoritetet vendore kanë vendosur që me anë të projekteve të tyre të zbukurojnë qytetin dhe ta bëjnë atë më funksional.

Në vitin 2008 liderët myslimanë ishin mbledhur në Doha, ku pjesëmarrësit paraqitën argumente shkencore sipas të cilave Meka është qendër e botës, kështu që nuk ka pse të merret standardi Greenwhich.

Lumturia

alma — Mon, 06 Sep 2010 12:04:55 +0000

Lumturia fillon sot...
Ta pritësh lumturinë që do të lajmërohet në një të ardhme është diçka që nuk do të thotë se patjetër do të ndodhë ndonjëherë. Për të qenë të lumtur duhet të punojmë sot për lumturinë. Lumturia ka karakter emocional, dhe jo material, kështu që ajo është gjendje e mendjes. Për të qenë të lumtur, këtë lumturi duhet ta përfitojmë (krijojmë).

Në lumturinë tonë ndikon memoria (kujtesa) që e kemi në mendjen tonë. Kujtesa në mendje është refleksion i gjithë asaj çfarë kemi përjetuar në jetë. Ajo çfarë mbartim në mendje paraqet atë me të cilën identifikohemi (bëhemi një/njëjtë me të). Çdo akcion që e kemi ndërmarrë në jetë dhe që ndërmarrim krijon një kujtim në mendjen tonë.
Pra, në njëfarë mënyre, lumturia varet nga kujtimet që i mbledhim me vite. Për të qenë të lumtur edhe sot edhe në të ardhmën, është kryesore të zgjedhim çfarë do të bëjmë sot, si do të reagojmë në atë çfarë ndodhë rreth nesh. Në këtë mënyrë do të krijojmë memorie/kujtesë pozitive që në të ardhmën do të bëhet një pasqyrë e re.

Meqenë se reagojmë ndaj rrethinës, në rastet më të shumta, përshtatshëm me mënyrën në të cilën rrethina reagon në ne, është e nevojshme të kemi para sysh një gjë. Mënyra sesi të tjerët reagojnë ndaj nesh janë refleksionet e tyre, refleksionet e memories së tyre, kurse refleksionet e huaja nuk kanë kurrfarë lidhje me ne. Mendja e secilit prej nesh reflekton fjalët dhe akcionet që shkakun e kanë ekskluzivisht në mendjen tonë, dhe jo në akcionet dhe fjalët e huaja.

Refleksionet e mendjes sonë janë shumë të fuqishme. Nganjëherë as nuk jemi të vetëdijshëm se sa ato mund të jenë të fuqishme. A do ta kemi kujtesën e mbushur me bukuri apo hidhëti, varet ekskluzivisht (vetëm) nga ne.
Lumturia është një ndjenjë shumë jokonzistente (jostabile). Te shumica prej nesh, në momente jemi të lumtur, por pas disa orëve më as që na kujtohet ajo lumturi. Që të mundemi fare ta mbajmë lumturinë më gjatë se disa orë nevojitet të dijmë çfarë domethënë për ne fjala lumturi? Nëse nuk e dimë çfarë është ajo për ne, si do të dijmë si ta realizojmë atë. Edhe pse nganjëherë presim lumturinë që do të vijë për shkak të ndodhive të mëdha, ajo megjithatë mund t`i ketë rrënjët e saja edhe në sendet shumë të vogla. Ekzistojnë aq shumë përvoja të imëta për të cilat as që jemi të vetëdijshëm vetëm për arsye se jemi të prirur të marrim kafshata të mëdha. Nuk ka asgjë të keqe në lumturinë e madhe dmth. lumturinë që e sjellin realizimet/arritjet e mëdha në jetë, mirëpo për tu kënaqur në bazën e përditshme nevojitet të mësohemi të jemi të lumtur me sende të vogla.

Kur mendojmë me termat e lumturisë dmth. kur i sjellim në mend, nëpërmjet kujtesës momentet e lumtura në jetën tonë, atëherë trupi dhe mendja jonë fillojnë të reagojnë në harmoni me këto ndjenja. Sa më shpesh mendojmë me termat e lumturisë, aq më shumë do të jemi të lumtur, sepse truri nuk e njeh dallimin në mes asaj çfarë ka qenë apo çfarë do të jetë dhe asaj çfarë është.

A e keni pyetur ndonjëherë veten çfarë ndodh kur jemi të pranishëm në moment? Prania në moment na jep një fokusim total në atë çfarë ndodhë momentalisht rreth nesh. Në këtë mënyrë ne jemi të befasuar me çfarëdo qoftë që zhvillohet rreth nesh, vetëm për arsye që jemi këtu dhe për shkak kësaj jemi shumë të lumtur dhe të kënaqur.

Shoqërimi me miqtë është një mënyrë e shkëlqyeshme e fisnikërimit të kohës, të disponimit dhe tek e fundit të vetë jetës. Këto shoqërime nuk lypet të jenë patjetër të natyrës identike sa herë që shoqëroheni. Me pak krativitet ato mund të bëhen freskim i vërtetë edhe për ne edhe për ta. Së bashku me shokët mund të bëjmë gjithçka, me rëndësi është vetëm që edhe ne edhe atyre na intereson përnjëmend ajo çfarë bëjmë. Mund të fotografojmë, të ziejmë, të luajmë ndonjë lojë së bashku, ta bëjmë një strip, të shkojmë në piknik, ta shikojmë një film inspirues dhe gjëra të ngjashme.

Natyra gjithmonë ka pasur efekte të mira në shpirt dhe trup. Vetitë e saja mirëbërëse qëndrojnë në dispozicion për të gjithë ne. Nevojitet vetëm pak motivacion për të marr guxim për akcion dhe për tu nisur në natyrë. Shetitjet, kërkimi i teorive të reja natyrore, planifikimi, kopshtet botanike, piknikët, peshkimi e gjëra të tilla janë disa nga opcionet që mund t`i bëjmë për të ra në kontakt me natyrën. Nuk e di a e keni vërejtur, por disponimi ynë në natyrë gjithmonë është më i ndryshëm sesa në qytet.

Një libër i mirë, një muzikë e mirë në mp3 player apo një revistë e mirë në kombinim me ndonjë pemë në një vend të bukur natyror, mund të jetë mënyrë e shkëlqyeshme për relaksim dhe distancë nga jeta e përditshme. Përveç rekviziteve të nevojshme mjafton vetëm të ulesh dhe të mbështetesh për një peme. Pak lexim, pak dëgjim të muzikës dhe pak vështrim dhe për një orë mund të bëhemi një person i ri. Nëse jemi njerëz që e preferojmë mënyrën urbane të relaksimit, atëherë pemën mund ta zëvendësojmë me relaksim në ndonjë kafeteri që ju pëlqen.
Lumturia shumë varet nga ajo sesa jemi kreativ dmth. sesa i lejojmë vetes që të jemi kreativ. I vetmi kufizim që na imponohet në jetë është kufizimi i imagjinatës sonë personale. Pikërisht për këtë arsye vjen deri te monotonia dhe ngurrimi në jetë. Aq shumë gjëra na ofrohen për çdo ditë, nevojitet vetëm të marrim zemër dhe të nisemi në akcion. Veçanërisht nëse jetojmë në qytet, në çdo kënd na ofrohen mundësi të panumërta të përditshme. Teatra, kino, kurse të ndryshme, punëtori dhe gjëra të ngjashme janë vetëm pjesë e ofertës së asaj çfarë mundemi të bëjmë.

Pasi po flasim për futjen e risive në jetë, njëra nga opcionet e dëshirueshme është anëtarësimi në ndonjë klub apo grup me mendime të njëjta me ty. Nevojitet vetëm të definohet cila është fusha jonë e interesit për të vendosur në cilin klub apo grup të anëtarësohesh. Ndonjë interesim i ri në grupin e njerëzve mund të jetë për ne një freskim i shkëlqyeshëm i jetës.

Gjithçka bëjmë në jetë, me rëndësi është sesi e ndjejmë veten kur e bëjmë atë. Nëse emocionet dominante tek ne janë ato të gëzimit, kënaqësisë dhe shijimit, atëherë jemi në rrugën e drejtë sepse kjo është ajo që na mbushë me plotësi. Nëse nuk është kështu, nëse e ndjemë acarimin, mundimin dhe pakënaqësinë, atëherë diçka duhet të ndryshojmë në jetën tonë. Emocionet që na lindin kur jemi duke bërë diçka janë gjithmonë indikative (që tregojnë gjendjen reale). Sipas tyre mund të njohim sa jemi në harmoni me vehten, dhe sa nuk jemi.

Mundësi kemi shumë. Me rëndësi është që të vihemi në lëvizje nga inercioni dhe ta definojmë çfarë jete dëshirojmë. Pas kësaj nevojitet vetëm trimërisht të nisemi kah realizimi i gjithë asaj çfarë ndjejmë se është familjarizuese për ne.

Vdekja e shpirtit (vdekja e vërtetë)

alma — Mon, 06 Sep 2010 11:35:32 +0000

Vdekja e shpirtit (vdekja e vërtetë)dhe ajo që vëzhgohet lidhur me vdekjen

A keni menduar ndonjëherë për mënyrën se si do të vdisni, si duket vdekja dhe çfarë do të ndodhë në momentin e vdekjes?
Deri më tani, askush prej atyre që kanë vdekur nuk është ringjallur dhe që do të mund të ndante me ne përvojat dhe ndjenjat e tij të vërteta për vdekjen. Duke qenë puna kështu, teknikisht është e pamundshme të mblidhen informata lidhur me atë se çfarë është vdekja dhe çfarë ndjenë njeriu në momentin e vdekjes.
Allahu, Ai i Cili i dhuron jetën njeriut dhe e merr atë në kohën e caktuar, na informon në Kuran për mënyrën se si ndodhë vdekja në të vërtetë. Pra, Kurani është burimi i vetëm prej të cilit mund të mësojmë për mënyrën se si vdekja ndodhë në të vërtetë dhe çfarë përjeton dhe ndien në të vërtetë ai i cili vdes.
Vdekja, siç përmendet në Kuran, është krejtësisht e ndryshme nga “vdekja mjekësore” që njerëzit e vëzhgojnë së jashtmi.
Së pari, disa vargje na njoftojnë me ngjarje ashtu siç shihen ato nga vet personi që po vdes, të cilat kurrë nuk mund të perceptohen prej të tjerëve. Kjo rrëfehet në Suren Vakia

Përse, pra kur arrin shpirti në fyt. E ju në atë moment shikoni (se ç’po i ngjet). E Ne jemi më afër se ju, por ju nuk shihni. (Sure Vakia: 83-85)Për dallim nga vdekja e jobesimtarëve, vdekja e besimtarëve është e lumtur:

Të cilëve duke qenë të pastër, engjëjt ua marrin shpirtin, duke u thënë: ‘Esselamu alejkum’ - gjetët shpëtimin, hyni në xhenet, për hir të asaj që vepruat. (Sure Nahl: 32)Këto vargje zbulojnë një fakt shumë të rëndësishëm dhe të pandryshueshëm për vdekjen: në momentin e vdekjes, ajo nëpër të cilën kalon personi që po vdes dhe ajo që ata pranë tij shohin janë përvoja të ndryshme. Për shembull, një njeri që ka kaluar tërë jetën e tij si jobesimtar i paepur mund të perceptohet se po përjeton një “vdekje të qetë” së jashtmi. Megjithatë, shpirti, tani në një dimension krejtësisht tjetër, e shijon vdekjen në një mënyrë shumë të dhimbshme. Në anën tjetër, shpirti i një besimtari, përkundër asaj se duket që po përjeton dhimbje të madhe, e lëshon trupin e tij “në një gjendje të mirë”.
Thënë shkurt, “vdekja mjekësore e trupit” dhe vdekja e shpirtit, që përmendet në Kuran, janë ngjarje krejtësisht të ndryshme.
Duke qenë të pavetëdijshëm për këtë të vërtetë me të cilën na njofton Kurani, jobesimtarët, të cilët supozojnë se vdekja është një gjumë i përjetshëm dhe i qetë, po ashtu përpiqen të gjejnë mënyra që momenti i vdekjes të jetë pa dhimbje dhe i lehtë. Pasojat e një ideje të tillë të gabuar mund të shihen qartë në shembujt e atyre që bëjnë vetëvrasje duke marrë barna, duke thithur gaz natyral apo duke iu drejtuar ndonjë forme pa dhimbje të vdekjes për t’i ikur një sëmundjeje që shkakton dhimbje.
Siç kemi përmendur më herët, vdekja “e shijuar” prej jobesimtarëve është një burim i madh i vuajtjes për ta, ndërsa për besimtarët rezulton të jetë lumturi. Kurani jap një shpjegim të hollësishëm të vështirësisë nëpër të cilën kalojnë jobesimtarët derisa të merren shpirtrat e tyre, për shkak të mënyrës me të cilën sillen engjëjt me shpirtin e një jobesimtari në momentin e vdekjes:

E si do të jetë atëherë puna e tyre kur engjëjt t'ua marrin shpirtin duke i rrahur fytyrave dhe shpinave të tyre? E atë (dënim) për shkak se ata ndoqën rrugë të cilën Allahu e urren, kurse e urryen atë që Ai e pëlqen, prandaj ua asgjësoi veprat e tyre. (Sure Muhammed: 27-28)
Në Kuran po ashtu përmendet “agonia e vdekjes,” e cila është në të vërtetë rezultati i dhënies së lajmit prej engjëjve për vuajtjen e amshueshme në momentin e vdekjes:

…E, sikur t'i shihje mizorët kur janë në agoni të vdekjes, e engjëjt kanë shtrirë duart e veta (me ndëshkim) e (u thonë): "Shpëtoni pra vetveten (nëse mundeni)". "Tash përjetoni dënimin e turpshëm për shkak se e thoshit të pavërtetën për Allahun, dhe ndaj argumenteve të Tij ishit kryeneç. (Sure En’am: 93)
Sikur t'i kishe parë engjëjt kur ua marrin shpirtin atyre që mohuan (do të shihje tmerr), u binin fytyrave dhe shpinave të tyre: "Shijoni dënimin e djegies!" Këtë (dënim e morët) për shkakun e asaj që fituat. Allahu nuk është i padrejtë për robërit e Tij. (Sure Enfal: 50-51)
Siç bëjnë të qartë këto vargje, vetëm vdekja e një jobesimtari është një periudhë e tërë e agonisë në vetvete. Derisa njerëzit që e rrethojnë atë shohin një vdekje në dukje të qetë në shtratin e tij, një vuajtje e madhe shpirtërore dhe fizike fillon për të. Engjëjt e vdekjes marrin shpirtin e tij, duke i sjellë atij dhimbje dhe poshtërim. Në Kuran, engjëjt që marrin shpirtrat e jobesimtarëve përshkruhen si: “ata (engjëj) që marrin shpirtrat me rrëmbim!” (Sure Nazi’at: 1)

Faza e fundit e mënyrës se si merret shpirti shpjegohet si vijon:

Jo dhe jo! Po kur të arrijë (shpirti) në gurmaz dhe thuhet (nga familja e të afërmit): "Kush do ta shërojë?" Dhe ai bindet se ai po ndahet. (Sure Kijame: 26-28)
Në këtë moment, jobesimtari ndeshet me të vërtetën që ai e ka mohuar gjatë gjithë jetës së tij. Me vdekje, ai do të fillojë të vuaj pasojat e fajit të tij të madh, mohimit të tij. Engjëjt “që iu bien shpinave të tyre” dhe “që marrin shpirtrat me rrëmbim” janë vetëm fillimi dhe një tregues më i vogël i pikëllimit që e pret atë.
Përkundrazi, vdekja për besimtarin është fillimi i fatmirësisë dhe lumturisë së përjetshme. Për dallim nga shpirti i jobesimtarit i cili vuan dënim të hidhur, shpirti i besimtarit “merret me lehtësi” (Sure Nazi‘at: 2) duke u thënë engjëjt: “Esselamu alejkum - gjetët shpëtimin, hyni në xhenet, për hir të asaj që vepruat.” (Sure Nahl: 32) Kjo është e ngjashme me gjendjen e gjumit. Në gjumë, shpirti kalon lehtë në një dimension tjetër, siç dëshmohet në vargun në vazhdim:

Allahu i merr shpirtrat kur është momenti i vdekjes së tyre (i vdekjes së trupave të tyre), e edhe atë që është në gjumë e nuk ka vdekur, e atij që i është caktuar vdekja e mban (nuk e kthen), e atë tjetrin (që nuk i është caktuar vdekja, por është në gjumë), e lëshon (të kthehet) deri në afatin e caktuar… (Sure Zumer: 42)
Kjo është e vërteta përfundimtare për vdekjen. Së jashtmi, njerëzit përjetojnë vetëm vdekjen mjekësore: një trup që gradualisht humb funksionet e veta trupore. Ata të cilët shikojnë prej së jashtmi një person në buzë të vdekjes nuk shohin as fytyrën e tij as shpinën e tij që rrahet, dhe as shpirtin e tij që arrin në gurmaz. Vetëm shpirti i personit në fjalë përjeton këto ndjenja dhe i sheh këto pamje. Mirëpo, vdekja e vërtetë “shijohet” në të gjitha aspektet e saj nga personi që vdes në një dimension të panjohur për ata që përjetojnë vdekjen së jashtmi. Me fjalë të tjera, ajo që përjetohet gjatë rrjedhës së vdekjes është një “ndryshim në dimension.”
Ne mund t’i nënvizojmë faktet e zbuluara në vargjet që kemi analizuar gjer më tani si vijon: qoftë besimtar apo jobesimtar, vdekja e një personi as nuk vonohet as nuk shpejtohet madje as edhe për një çast. Kudo që të jenë qeniet njerëzore, vdekja i arrin ata, nëse ka ardhur koha e caktuar për ta. Gjatë përjetimit të vdekjes, ata individualisht pranojnë trajtime krejtësisht të ndryshme, edhe pse kjo nuk është e dukshme prej së jashtmi.

Vdekja e besimtarit

— Duke qenë i vetëdijshëm se vdekja është e pashmangshme, besimtari përgatitet për vdekjen gjatë gjithë jetës së tij dhe në fund ndërron jetë.
— Engjëjt e vdekjes e përshëndesin atë dhe ia komunikojnë lajmin e mirë të xhenetit.
— Engjëjt e marrin shpirtin e një besimtari me butësi.
— Besimtari ndien nevojën t’u jap lajmin e gëzueshëm besimtarëve tjerë në botë se premtimi i Allahut është i garantuar dhe se nuk do të ketë as frikë dhe as pikëllim për besimtarët. Sidoqoftë, kjo nuk është e lejuar.

Vdekja e jobesimtarit
— Ai takon vdekjen të cilës i është shmangur gjithmonë gjatë gjithë jetës së tij.
— Ai vuan nga goditje të fuqishme të dridhjes gjatë vdekjes.
— Engjëjt zgjasin duart e tyre ndaj tij dhe i japin atij lajmin për ndëshkimin poshtërues të Djegies në zjarr.
— Engjëjt e çojnë atë në vdekje, duke e rrahur atë në fytyrë dhe shpinë.
— Shpirti merret me një dhimbje të brendshme të madhe.
— Shpirti merret me të arritur gurmazin dhe në atë moment nuk mbetet askush aty që ta shpëtojë atë.
— Shpirti merret me zor ndërsa ai zhytet në mohim.
— Në momentin e vdekjes, nuk lejohet asnjë shprehje e besimit të tij apo e pendimit të tij.

Nga “vdekja mjekësore” që njerëzit e përjetojnë prej së jashtmi mund të nxirren po ashtu mësime. Mënyra se si vdekja mjekësore e shndërron trupin e njeriut në asgjë e bën njeriun të shoh disa fakte shumë të rëndësishme. Prandaj, “vdekja mjekësore” dhe varri, që presin secilin prej nesh, po ashtu meritojnë të përmenden dhe të mendohet për to.

NGA VJERI QE ME SHPETOVE"

lori — Sun, 05 Sep 2010 13:54:07 +0000

Nje grua e moshuar pasi i martoi te treja vajzat e veta , vendosi te shikonte se cili nga dhenduret e deshte me shume. Te tre dhenduret kishin vila dhe te tre kishin pishine. Shkon tek dhendri i madh dhe hidhet ne pishine gjoja sikur po mbyteshe, dhendri hidhet dhe e shpeton. Te nesermen ne mengjes gjen perpara shtepise nje mercedes dhe nje bilete ku shkruhej " nga vjera qe me shpetove", dhe po keshtu vepron dhe tek i dyti.EDHE AI E SHPETON, ketij i ben dhurate nje motor dhe bileten "nga vjera qe me shpetove". Dhendri i vogel e mer vesh kete pune dhe thote " te madhit makine, te dytit motor, po mua, biciklete????". Po ne te njejten menyre veproi dhe tek dhendri i trete por ai nuk e shpetoi po e la te mbytej, te nesermen ai cuditet kur perpara shtepise shikon nje kabriole dhe nje bilete ku shkruhej "NGA VJERI QE ME SHPETOVE"

Disa këshilla për të përvetësuar partnerin që duam

albina — Sat, 04 Sep 2010 15:32:08 +0000

Kjo eshte nje nga pikat me kryesore qe ne (femrat) mund te perdorim ne kete proces te dashuris. Te dashurosh eshte dicka e komplikuar qe nuk kontrollohet dot. Secila nga Ne (femrat) mundohet të dijë se cili është (mshkulli) me i përsosur, përgjigja e kësaj pyetje është e pamundur, nuk ekziston (mashkull) i përsosur (ashtu si nuk ekziston dhe femer e persosur), por ne mundohemi ta gjejmë atë që është më afër të qenit i përsosur. Ne (femrat) duhet te jemi ato qe mbajn ndezur ate zjarr dashurie qe lindi midis nesh me partnerin, dhe duhet te mundohemi qe të dinë çdo gjë në lidhje me ata që u interesojnë (mashkulli mendon shume dhe shprehet pak, ose ne te shumten e rasteve nuk shprehet me fjale po me veprim). Çfarë e nxit një mashkull të mendojë se Ti je e duhura? Çfarë procesi zhvillohet në trurin e tij? Dhe pyetja të cilës jemi munduar t'i japim një përgjigje,''çfarë mund të bëjmë ne (femrat) për të ndikuar në këtë. Janë disa kërkesa të tyre për të cilat Ne (femrat) duhet veprojme me reagimin e duhur.

Lejojeni t'iu mbrojë

Meshkujve u pëlqen ta mbrojnë atë që u takon atyre. Lejojeni atë të shohë anën tuaj të dobët, atë do ta bëjë të ndjejë afërsi, për shkak të instinktit për tu kujdesur.

Jepi një detyrë

Kërkoni nga ai që të riparojë diçka që ju është prishur. T'i japësh një detyrë konkrete do të thotë të lejosh atë ta zhvillojë ndjenjën e suksesit.

Kërko opinionin e tij

Të kërkosh opinionin e tij për të do të thotë shumë. Ai do të kuptojë se ju e vlerësoni mendimin e tij.

Materialet e buta

Materialet e buta si mëndafshi dhe gëzofët e kafshëve, meshkujve iu japin një ndjesi butësie, që shkakton dukja juaj e bute dhe femërore.

Liria

Edhe meshkujt e shëndoshë emocionalisht, duan të sigurohen se identiteti i tyre do të jetë i njëjtë edhe pasi kanë hyrë në një marrëdhënie më serioze. Duke ia bërë atij të qartë se nuk prisni të ndryshojë, se ju e pranoni ashtu si është, zgjon një ndjenjë vetëbesimi tek ai.

Mos u mundo ta lidhësh

Meshkujt e urrejnë ndjenjën e të qenit "i lidhur". Shumë femra mendojnë se kështu e ruajnë atë për vete, është gabim i rëndë të mundohesh ta bësh "për vete" duke mos i lënë hapësirë. Do ta ngulfatni duke ia cenuar lirinë e shoqërimit, lejoje të argëtohet me shokë, të shkojë në ndeshje futbolli apo basketbolli, kjo nuk i jep atij të drejtën të ju lë anash.

Ndajeni frikën me të

Meshkujt mendojnë se të gjitha femrat kanë një qëllim "të vënë unazat" duke harruar se as ato nuk duan të nguten kur fjala është te marrëdhënia serioze. Nëse ajo ka kërkuar të njoftohet me prindërit e saj, nuk do të thotë se do të martoheni, thjeshtë tregon se ajo nuk dëshiron "të luajë", por ai e keqkupton. Tregoji friken tënde lidhur me dështimin tuaj, ai do ta vërejë se nuk e ke për qëllim të martohesh me të për ndonjë arsye.

Zbulo vetveten

Ndryshimet e vogla të pamjes e bëjnë atë të mendojë që ju keni edhe tipare tjera të personalitetit, se nuk jeni gjithmonë e njëjtë. Ndryshimet e mira e bëjnë atë t'ju çmojë më tepër, si në aspektin fizik ashtu edhe në atë të karakterit.

Respekto fshehtësinë e tij

Secili njeri në botë ka të drejtën e sekretit, nëse këtë e lejon ligji, pse nuk e lejoni ju. Askush nuk ka të drejtë të kontrolloje letrat e askujt, të kontrolloje celularin e askujt, madje as të pyes dikë për diçka që do ta ruajë të fshehtë. Këto janë vese që më vonë shndërrohen në shprehi.

Të jetë i vlerësuar

Ndoshta ai është kryelartë, por akoma është i pasigurt. Atij i pëlqen të jetë i respektuar dhe i vlerësuar. Kur ndodhet pranë jush ai dëshiron të jetë në qendër të vëmendjes, si brenda ashtu edhe në prani të tjerëve. Ja disa fshehtësi që ju ndihmojnë për ta arritur këtë.

Bëjeni të lumtur

Qesh edhe atëherë kur ai tregon një barsoletë jo edhe aq interesante, nxirreni nga situatat e palakmueshme duke e arsyetuar edhe për ato që më vonë ndoshta do ta qortosh, bëje të ndihet i relaksuar edhe kur është i stresuar.

Bëhu e mirë më shoqërinë e tij

Meshkujt janë të mirë kur kanë të bëjnë me shitjet, ndeshjet e sportit dhe veturat e shpejta, mirëpo dobësia e tyre është shoqërimi me njerëz të panjohur. Kur ai ju njofton me dikë, mundohu që të lësh përshtypje të mirë, ai do të ndihet krenar dhe ti do të përfitosh nga rasti të shoqërohesh me rrethin e tij.

Luani lojëra të zgjuarsisë

Luani lojëra që kanë të bëjnë me inteligjencë, zgjuarsi dhe gjendshmëri. Ai do ta vërejë se ju dini të gjendeni nëpër situate të vështira, kjo e bën atë t'ju admirojë. Nuk do të ndihet në siklet kur ndonjë shok tregon barsoleta biondesh, dhe do të ndihet krenar që ka afër një femër të zgjuar.

Luaj rolin e asaj që të gjithë e dëshirojnë

Lejoni që ai të ju shohë me sytë e ndonjë mashkulli tjetër që do të vdiste për të të pasur afër. Por mos u mundoni ti afroheni "karremit" që e përdorni. Nëse një burrë është ulur shumë afër teje, përdore situatën, por mundohu që të dashurin tënd ta vësh në mes teje dhe të panjohurit. Ai do të ndihet me superior, ndërsa ju e keni rritur nivelin e vlerësimit dhe të qenit e vlerësuar.

Rehati

Të dashurosh është proces i ndërlikuar që përfshin në vete zhvillimin e përshtatjes që ndodh kur oksitoksina vërshon trurin. Ju mund ti lironi këto hormone duke e bërë atë të ndiejë se ju dy thjeshtë përshtateni. Ai ndihet mirë me ty kur ndalon së menduari për lidhjen tuaj dhe thjesht e përjeton çdo moment të saj
Le të ju shohë gjithmonë të dukeni bukur Mos provo ti dalësh përpara në mëngjes në gjendjen e zakonshme. Mundohu të zgjohesh para tij, të rregullosh pak flokët, të mbash pamjen hyjnore që të fal mëngjesi, dhe mos e befaso me ndonjë surprizë të keqe, në fakt mos e lejo veten të të pyes "kush je ti?"

Gatuani bashkë

Meshkujve u pëlqen të hanë. Pse të mos mundohen edhe ata për këtë punë? Nëse gatuani bashkë ju do të fitoni shprehinë e të ndihmuarit, në mënyrë që të mos ekzistojë ndarja e punëve. Ndani me të çdo gjë. Do ta shihni sa të paharrueshme janë çastet që keni kaluar në kuzhinë. Bëje të ndihet si në shtëpinë e tij Nëse ai vendos që të kalojë disa ditë në shtëpinë tënde, mundohu që atë ta bësh të ndihet si në shtëpinë e tij, duke blerë gjerat ushqimore që ai konsumon, shtriju afër tij kur ai do të shtrihet për të pushuar, thjesht tregoji në mënyrë indirekte se ju do të mund të jetonit bashkë.

Disa faktorë ndikojnë që ai të tërhiqet

1). Mundësitë e reja në punë

Ngritja në detyrë do të thotë më tepër orë të shpenzuara në zyrë. Në vend që ta kalojë kohën me partnerin, ai zgjedh karrierën. Kjo është diçka që ka të bëjë më të jo më ty. Nëse ai ka zgjedhur karrierën, respekto vendimin e tij, nëse prapë mendon se mund të rrish pa e parë 12 orë në ditë, të shtunave, madje edhe të dielave (gjë që nuk ndodh) vrapo pas tij.

2). Ju nuk grindeni asnjëherë

Nuk është shenjë e mirë. Të jesh dakord me të edhe atëherë kur nuk ka asnjë shans, jo që e bën më të afërt, por e largon krejtësisht. Askujt nuk i pëlqen t'i bëhet qejfi çdo herë.

Nëse thua për çdo gjë PO ai do të mendojë :

a) Se do ta lidhësh pas një kohe kur ai të dashurohet.

b) Se je mësuar të të shkelin

c) Ti nuk interesohesh

Njëra nga këto do ta bëjnë atë të tërhiqet, madje përgjithmonë.

3) Paniku i humbjes

Shumë meshkuj mendojnë se në çastin që do të lidhen me dikë, do të humbasin shokët, jetën e natës madje edhe gjysmën e pasurisë. Nëse ju reagoni si mos më keq në njërën nga këto tri raste, konsiderojeni "të humbur"

Orangotangu mama ,rrit dy luane te vegjel ..!!

albina — Sat, 04 Sep 2010 14:59:24 +0000

KAROLINA E VERIUT :... Behet fjale per nje dashuri te vertete .Asgjë nuk mund të krahasohet me përqafimin e nënës. Por kur ajo nuk është, dy luanesha mund të mbështeten në dikë që do t’i ruaj, e prej të cilit më së paku pritet.

Orangutangu femer me emrin Hanama ,3-vjeçar, është shumë i lumtur që mund të përqafojë Skukuzin dhe Simhan, dy luaneshat njëmuajshe.

Ky majmun ka vendosur lidhje me luaneshat posa i ka parë, thekson roja e tyre në Myrtle Beach Safari, në shtetin federal amerikan të Karolinës së Jugut, shkruan “Daily Mail”.

Hanama shtrihet në shpinë dhe i lejon që të pushojnë në bark dhe shpesh e zënë duke i shikuar me butësi luaneshat, para se t’i përqafojë.

Besnikeria e gomereve te saj i shpetoi jeten .. E kishin varrosur te gjalle..

albina — Sat, 04 Sep 2010 14:48:02 +0000

AL KAHMAL , Tunizi : Një grua e varrosur gabimisht për së gjalli është shpëtuar nga gomarët e saj. Ngjarja ka ndodhur në një fshat të largët në Tunizi dhe është bërë e ditur nga televizioni arab al-Arabiya, dhe nga disa site arabe .

Bëhet fjalë për një banore të fshatit “Warga” zona Al Kahmal ,në Sidi Bouzeid, 300 km në jug të kryeqytetit Tniz. Gruaja, e martuar, me dy fëmijë, pa dhënë asnjë simptomë sëmundjeje kishte rënë në tokë.

Familjarët, e kishin konsideruar të vdekur dhe e varrosën.Për këtë arsye kanë blerë “Kifin”, çarçaf të bardhë, që sipas traditës myslimane, është përdorur për të mbuluar trupin.

Varresat janë afër fshatit .
.Fati e solli , që gruaja e supozuar e vdekur ditën që ishte venitur të linte të lirë dy kafshët e saj. Në mbrëmje, gomarët, “kur nuk panë te zonjën , u drejtuan drejt varrezave dhe u vendosën para varrit të saj”, tha një mikeshë e gruas së varrosur për së gjalli.

Kjo e fundit, shkoi ti marrë dy gomerët .
Ajo ka dëgjuar “britmat që vinin nga nëntoka”, dhe ka lajmëruar familjarët që kanë gërmuar në tokë përsëri për të nxjerrë “gruan me fat.

Pas pushimeve, më shumë stres!

alma — Sat, 04 Sep 2010 07:18:12 +0000

Psikologët kanë vërejtur se rikthimi në jetën normale pas relaksit buzë detit është në vetvete shumë më i vështirë se ç’mund të përfytyrohet.

Gjithnjë e më shumë njerëzit që rikthehen në normalitet, pasi kanë kaluar disa ditë të rehatshme relaksi përballen me një depresion të lehtë, por në raste të veçanta edhe të vështirë për t’u kaluar.

Në psikologji, në fakt, ka qenë e njohur simptoma e depresionit gjatë pushimeve e quajtur ndryshe “Holiday blues”. Ky lloj depresioni kalohet më së shumti tek njerëzit që pushimet i konsiderojnë një moment të përshtatshëm për të reflektuar mbi atë që kanë bërë dhe atë që nuk kanë mundur dot të bëjnë. Shumë prej tyre kalojnë në depresion në momentin kur konstatojnë se kanë bërë më shumë gabime dhe kjo kohë e kaluar në vetmi duke shqyrtuar veten u shndërrohet në një kohë e zymtë.

Por së fundi është zbuluar se stresi dhe depresioni vazhdon me ritme të njëjta, në mos më shumë, edhe pas pushimeve.
Njerëzit e kanë vështirë të rifillojnë punën. Nuk duan të dalin jashtë. Nuk gjejnë dot forca për të përmbushur detyrimet profesionale. Nuk preferojnë të takojnë miqtë. Dëshirojnë të mbyllen në shtëpi. Humorin e kanë përtokë, ndërsa në mendje u kalojnë në çdo moment çastet e kaluara gjatë pushimeve.

Mbajeni veten të zënë
Por si gjithmonë në të tilla raste, ka edhe mënyra për ta kaluar çdo depresion.
Së pari, psikologët këshillojnë që njerëzit tek të cilët konstatohen këto simptoma, të mos mendojnë se po kalojnë një gjë të çuditshme. Është mëse normale kjo gjendje, ndaj duke e konsideruar atë si normale, gjasat për ta kaluar më shpejt janë edhe më të mëdha. “Mbajeni veten të zënë me punë të ndryshme”, këshillojnë psikologët. Duke i hapur vetes punë, do të kesh më pak kohë për të medituar për pushimet apo kohën e kaluar.

Ushtrime fizkulture
Një mënyrë e mirë për të ndihmuar organizmin që të përshtatet me regjimin e ri, janë edhe ushtrimet gjimnastikore, vrapi apo fizkultura në ajër të pastër. Mos u mbyllni në palestër, sugjerojnë psikologët. Është më mirë të vraponi jashtë, në ajër të pastër se të ushtroheni në një hapësirë të mbyllur, pra në palestër. Dalëngadalë do ta kuptoni se trupi juaj do të jetë gjithnjë e më shumë në formë. Kjo do t’ju ndihmojë që të përshtateni me ritmet e reja dhe sigurisht, do t’ua heqë vëmendjen nga kujtimet e paharrueshme buzë detit…

Mos u merrni me fotografitë
Një prej arsyeve që ju mban të lidhur edhe për një kohë të gjatë me kujtimet, janë padyshim fotografitë. Shkarkojini ato në kompjuter, por refuzoni që të kaloni kohë duke i parë. Të paktën derisa të ndjeni se jeni futur në ritmin e ri dhe në monotoninë e përditshme. Nëse veproni ndryshe, pra nëse qëndroni orë të tëra duke shikuar fotografitë, kjo nuk do t’ju ndihmojë aspak që ta shkëpusni mendjen nga kujtimet. Përkundrazi, pa e kuptuar as vetë, do të jeni vazhdimisht nën efektet e depresionit.

Flini më pak
Përgjithësisht, njerëzit që rikthehen nga pushimet, dëshirojnë të flenë gjatë. I zë gjumi shumë vonë dhe ditën mezi zgjohen. Psikologët këshillojnë që të mundoheni të flini herët e të zgjoheni gjithashtu herët. Ndonëse kjo mund të jetë e vështirë në fillim, është një mënyrë shumë e mirë për ta ndihmuar organizmin dhe mendjen tuaj që të kthjellohet nga kujtimet dhe të përqendrohet në përditshmërinë normale.

Nuk ka problem se ca gjëra që kishit planifikuar nuk mund ti bëni dot ashtu siç do donit!
Mos u bëni perfeksionistë. Jo të gjitha planet mund t’ju realizohen, dhe jo gjithçka mund të shkojë vaj. Por kjo nuk është aspak arsye që të depresionoheni më shumë. Lëreni pas vetes çdo “dështim” të vogël dhe fokusohuni gjithmonë në plane të reja. Ju mund të keni pritshmëri të larta për performancën tuaj, por është normale që të zhgënjehni pasi keni kaluar një kohë të konsiderueshme pushimesh e pasi jeni papritur me simptomat e depresionit.

Pushimet vijnë sërish, por koha jo…
Dhe së fundi, mos harroni që pushimet do të vijnë sërish. Në dimër, apo verën e ardhshme do të kaloni sërish moment të bukura dhe të paharrueshme, larg stresit dhe monotonisë së përditshme. Ama, koha që jeni duke jetuar nuk ka për t’u kthyer asnjëherë. Kështuqë, jepini forca vetes dhe mos lejoni që të ikë kot asnjë moment! Jeta vazhdon…

BDI: Fjalimi i Gruevskit jocilësor

alma — Sat, 04 Sep 2010 07:00:03 +0000

Fotografia flet sa një mijë fjalë. Kështu e ka ironizuar sot BDI llogaridhënien e kryeministrit Nikolla Gruevski. Nga Partia e Ahmetit, nuk pranuan të flasin zyrtarisht për konferencën maratonike të numrit ‘një’ të Qeverisë, por theksuan për Alsat M se fjalimi i kryeministrit ishte jo përmbajtësor dhe simbolik. Acarimi i marrëdhënieve mes dy partnerëve të koalicionit kishte filluar që dje kur kryeministri kishte paralajmëruar se do të jepte llogari për punën katër vjeçare të Qeverisë. Kjo ka qenë shkaku kryesor që dy partnerët të mos merreshin vesh. Nga BDI kishin kushtëzuar daljen në konferencë për shtyp nëse kryeministri do të pranonte te fliste vetëm për kohën e koalicionit të tyre, por jo edhe për kohën kur në Qeveri ka qenë PDSH. Nga BDI sot deklaruan se nuk do të jenë pjesë e atij prezantimi që megjithatë sipas tyre ishte simbolik dhe jo përmbajtësor. “Përshkrimi më i mirë do të ishte: fotografia thotë 1000 fjalë. Ai doli vetëm dhe kjo flet vetvetiu”, komentuan për Alsat M nga BDI. Por pavarësisht këtij qëndrimi rigid të BDI-së, kryeministri sot tentoi ta zbusë tonin në raport me partnerin e koalicionit. “Katër vite paraqesin simbolikisht një mandat politik në Republikën e Maqedonisë. Ju e dini se BDI në 2 vitet e para nuk ishte pjesë e kësaj qeverie, ishte në opozitë dhe sipas kësaj vlerësuam se do të ishte e pakëndshme për ta që të jenë prezent sot këtu, dhe për këtë shkak unë si kryeministër, i cili katër vite është në këtë post vendosa që në këtë mënyrë ta bëj prezantimin. Ndryshe marrëdhëniet janë të mira, të shkëlqyeshme dhe kemi një bashkëpunim të mirë” u shpreh kryeministri Nikolla Gruevski. Rreth këtyre mosmarrëveshjeve të partnerëve qeveritar por edhe rreth fjalimit të kryeministrit, ka reaguar edhe opozita. “Shqiptarët e me të edhe PDSH-ja këtë ndërhyrje të Ali Ahmetit nuk kanë se si ta interpretojnë vetëm si një dëshirë të tyre që projektet skandaloze e në dëm të shqiptarëve më së miri vetë Ali Ahmeti ti prezantoje e jo Nikolla Gruevski. Shqiptarët e me të edhe PDSH-ja e dinë se Ali Ahmeti mashtroi dhe tradhtoi gjatë dhe pas konfliktit të 2001 duke keqpërdorur gjakun dhe dhimbjen e shqiptarëve për tu instaluar në pushtet herë me LSDM e herë me VMRO.” Theksoi Imer Aliu nga PDSH.

Ndërkohë LSDM vlerëson se konferenca e sotme për shtyp e kryeministrit është vetëm edhe një konfirmim se ai është dehur nga pushteti dhe plotësisht e ka humbur ndjenjën e realitetit.“Diçka po ngec sepse BDI nuk qëndron pas krejt asaj që e thotë Gruevski. Në fakt ai mburrej se pas kësaj që e flet qëndrojnë të gjithë. Sot është vetë. Mund të vërenit se si i dridhej zëri. Definitivisht u skuq nga të gjitha gënjeshtrat të cilat i tha”shtoi Zoran Zaev, nënkryetar i LSDM-së.Ndërkohë nga Demokracia e Re e Imer Selmanit, konsiderojnë se raporti i sotëm i kryeministrit Gruevski edhe një herë u vërtetuan tezat e tyre se BDI ka votuar çdo gjë që i ka servirë partneri qeveritar VMRO-DPMNE-ja. “Pyesim publikisht BDI-në, a pajtohen me raportin e Kryeministrit Gruevski dhe a mendojnë se në këtë formë i kontribuojnë interesit të shqiptarëve dhe shtetit multietnik? A do të vazhdojë BDI-ja edhe pas këtij raporti të jetë servil dhe shërbëtor i Nikolla Gruevskit në këtë Qeveri?”, thuhet në reagimin me shkrim të DR-së. Bedri Rexhallari

Trafikimi i fëmijëve: Një biznes i errët me përfitime të jashtëzakonshme

alma — Sat, 04 Sep 2010 06:48:30 +0000

Trafikimi i fëmijëve është një nga krimet që po përhapet më me shpejtësi në botë, një biznes i errët, që shpesh kryhet në internet dhe me përfitime të jashtëzakonshme. Sipas UNICEF-it, rreth 2.5 milionë fëmijë, shumica vajza, shfrytëzohen seksualisht në industrinë miliarda dollarëshe të seksit. Shpesh mendohet se kjo dukuri ekziston në vendet me sisteme të paqëndrueshme ekonomike dhe politike, por ai është problemi më i madh në Evropë, Shtetet e Bashkuara, Rusi dhe Afrikë. Siç njofton në këtë pjesë të dytë të një serie për këtë dukuri, qeveritë, organizatat e rendit dhe agjencitë joqeveritare po bëjnë thirrje për më shumë bashkëkoordinim për t’u përballur me gjendjen.

“Vitin e kaluar identifikuam 56 raste të rinjsh që janë bërë pre e shfrytëzimit seksual, vetëm në zonën e Uashingtonit”.

Andrea Powell është drejtore ekzekutive e Fondacionit FAIR, një organizatë që e themeloi para tetë vjetësh për të ndaluar trafikun e të rinjve në gjithë botën.

Kjo organizatë ka ndihmuar mijëra vajza dhe djem adoleshentë deri tanë në Shtetet e Bashkuara, Bosnje, Serbi, Rusi dhe Ugandë.

“Asia” është një nga rastet e suksesshme të këtij grupi. E përfshirë në prostitucion, ajo shpesh punonte 15 orë në ditë.

“Ishte e neveritshme. Unë e shkëputa veten, mendjen nga ajo që ndodhte; me dukej sikur ishte një person tjetër, jo unë”.

Deri në momentin kur u arrestua, dhe fondacioni FAIR e ndihmoi që ta ndryshonte jetën e vet.

“Shkurt, ata me ndihmuan të shndërrohem në personin që jam sot. Unë nuk jam i njëjti person”.

Por për çdo rast fatlum si i saji, ka shumë të tjerë që nuk e kanë këtë fat.

Kongresmeni Kris Smith është një nga mbrojtësit më të fuqishëm për të drejtat e viktimave të trafikut njerëzor.

“Të paktën 100 mijë vajza amerikane, shumica që kanë ikur nga shtëpitë, me moshë mesatare 13 vjeç, janë nëpër rrugë. Dhe brenda 48 orësh, nëse nuk sillen në shtëpi ose ndonjë strehë, duke përdorur drogë, kokainë ose disa droga të tjera të dëmshme, pronarët e tyre i detyrojnë këto vajza të bëhen prostituta”.

Shumë të mitur sillen në Shtetet e Bashkuara nga vende të tjera, kryesisht Amerika latine, Azia Juglindore, Evropa Jugore dhe lindore. Fëmijët romë shpesh sillen nga Bosnja ose Serbia për të plaçkitur ose për të pastruar shtëpi. Fëmijë nga Afrika Lindore sillen të punojnë si shërbëtorë nëpër shtëpi apo nëpër ferma, ndërsa fëmijë nga India detyrohen të punojnë në biznesin e veshjeve. Familjet e tyre shpesh nuk e kanë idenë se çfarë është bërë me ta. Në shumë vende, përfshirë Shtetet e Bashkuara, edhe oficerët e policisë që shkojnë në shtëpi publike ose klube strip-tease i përdorin viktimat për seks në vend që t’i ndihmojnë.

“Trafiku i njerëzve dhe trafikimi i fëmijëve është bërë një biznes global nga i cili asnjë vend nuk është i përjashtuar”.

Helga Konrad është ish- përfaqësuese e posaçme e OSBE-së për trafikimin e qenieve njerëzore.

“Personat përgjegjës janë të lidhur në shkallë ndërkombëtare. Në Evropën Juglindore për shembull, ku ka aktivitet Fondacioni FAIR, ne e dimë që serbët dhe shqiptarët dhe të tjerët bashkëpunojnë ngushtë me njëri-tjetrin. Kështu, ata që normalisht nuk kanë marrëdhënie të mira me njëri-tjetrin, janë të lidhur ngushtë në biznese kriminale dhe motivohen nga përfitime të jashtëzakonshme”.

Kongresmeni Smith, që ka hartuar një ligj për mbrojtjen e viktimave të trafikut, thotë se duhet bërë shumë më tepër.
“Na duhet më shumë personel i organeve të rendit, që të jetë i trajnuar që ta dallojë një grua të trafikuar, e çfarëdolloj moshe qoftë, por me një theks të veçantë tek vajzat shumë të reja dhe që të bëjnë të mundur që ato të mos arrestohen, të trajtohen si prostituta apo ndiqen penalisht”.

Departamenti amerikan i Drejtësisë vlerëson se 300 mijë të mitur në Shtetet e Bashkuara rrezikohen që të bëhen viktima të shfrytëzimit për qëllim tregëtie seksuale. Përveç kësaj, Departamenti i Shtetit thotë se rreth 14 mijë – 17 mijë vajza nga vende të tjera trafikohen në Shtetet e Bashkuara për këtë qëllim çdo vit. Raporti i fundit i Departamentit të Shtetit për trafikun njerëzor thotë se rreth 12.3 milionë të rritur dhe fëmijë bëjnë punë të detyruar dhe detyrohen të prostituohen në gjithë botën. Ata që po e luftojnë këtë dukuri shpresojnë që me bashkëpunim më të mirë dhe angazhim më të madh nga të gjitha palët, gjendja do të përmirësohet.

DASHURIA E PAFAT

lori — Fri, 03 Sep 2010 18:51:07 +0000

Flitej në fshat se dashuria mes Qetsorit dhe Blerinës ishte më e fuqishme se vet vdekja e saj. Dhe kjo dashuri e pastër dhe e çiltër kishte mbajtur edhe më tej, edhe pas vdekjes së saj, të fuqishme lidhjen mes tyre... derisa u bashkuan në amshim - tha xha Garipi dhe thithi thellë cigaren e pastaj heshti. Heshta edhe unë një kohë të gjatë i thelluar në mendime për këtë dashuri të pafat.

-Kur mbaroi lufta e dytë botërore shumë nga tanët ikën jashtë vendit për të siguruar kafshatën e gojës. Dikush ia mësyni Turqisë, dikush Allamanit e dikush Amerikës. Disa u kthyen e disa nuk erdhën kurrë më - fillon rrëfimin xha Garipi, goxha i shtyrë në moshë por me një kujtesë të mrekullueshme.

- Jeta është gjithçka dhe asgjë... dhe asnjëra ditë nuk është e njëjtë sikurse tjetra. Njeriu kurrë nuk e di çfarë e pret të nesërmen. Ja p.sh. edhe takimi me ty. As në ëndërr nuk e kam parë se ne te dy, ti nga qyteti e unë nga malësia e Sharrit, sot do të njoftohemi, shoqërohemi dhe bisedojmë për këtë ngjarje që ka ndodhur 50 vjet më parë - tha xha Garipi dhe duke ndezur cigaren tjetër, vazhdoi rrëfimin:

-Jetonim në këtë fshat të vogël. Atëherë kishte edhe më pak frymë, tani janë ndërtuar shumë shtëpi të reja. Në fund të fshatit jetonte e veja Sanije me vajzën e saj Blerinën. I shoqi kishte ndërruar jetë para ca vitesh. Ishin shumë të sjellshme dhe punëtore si bletët. Kishin një shtëpi, pak tokë dhe disa krerë bagëtie të vogla dhe të mëdha. Jetonin mirë për kushtet e asaj kohe.

Të gjithë e dinim se Blerinës i vërtitej Qetsori - një djalosh shumë i dashur, i bukur por edhe i hareshëm i lagjes sonë. Nuk kishte ditë që Qetsori, kinse me punë, nuk kalonte pranë kësaj shtëpie... Kur iki edhe ky për Amerikë, e përcollëm të gjithë deri në fund të fshatit, bile edhe Sanija me të bijën Blerinën.

Nuk kaluan as dy vite dhe Blerina ndërroi jetë! E ëma, Sanija, e prekur tej mase edhe nga kjo humbje, u sëmurë rëndë - luajti mendsh. E dërguan në një spital, thoshin “special”, ku pas një viti ndërroi jetë edhe ajo. Nuk e dimë se ku e varrosën, por në fshat nuk e sollën. Shtëpia e tyre mbeti e shkret - nuk ka banuar askush më aty.

Ishte ditë vere kur dëgjova se Qetsori ishte kthyer nga Amerika. Kishin kaluar 6 vite që kur ai kishte ikur atje. E takova në lokalin e fshatit, një shitore e vogël të cilën e kishim si vendtakim. Nuk kishte mbetur asnjë gjurmë nga ajo fytyrë e bukur dhe gazmore e atij djali. Dukej i mërzitur. Rrinte në mendime. Pasi u përshëndetëm dhe u përqafuam, e pyeta:

-Kur ke ardhur Qetsor dhe a je mirë më shëndet?

-Jam kthyer këto ditë, e sa për shëndet, që po më pyesësh, që kur kam arritur nuk ndihem mirë!

Në fillim mendova se nuk kishte fituar para, pasi shumë nga tanët e kishin përjetuar një fat të tillë - ishin kthyer me duar në xhepa. Për ta ngushëlluar, por edhe për t’i dhënë pak vullnet, i thash:

-Nuk është krejt tek paraja. Me rëndësi që ti je kthyer gjallë dhe shëndosh. Je i ri dhe jetën e ke përpara. Shikona neve këtu si po gjallërojmë!... Ndoshta do të vijnë ditë të mira edhe për ne.

-Nuk është në pyetje paraja, miku im - më ndërpreu ai. E porositi nga një birrë dhe më ftoi që të dalim jashtë lokalit. U ulëm në një copë druri pishe që e kishin gdhendur dhe i kishin dhënë formën e ulëses dhe ai filloi rrëfimin e tij:

-Mjaft kam fituar në Amerikë o Garip. Kam punuar dhe kursyer mjaftë para. Diçka tjetër mua më mundon dhe nuk më jepet as të jetoj. Nuk kam besim në askënd, vetëm në ty. Ty të kam pasur gjithnjë shokë të zemrës, prandaj edhe po të rrëfehem.

Kur arrita në Prizren, ora ishte diku rreth 21:00. Askush nuk e dinte se unë kisha ardhur. Ishte vonë dhe në këtë kohë nuk kishte më transport publik për Sharr. Pasi kisha mjaft para dhe nuk doja ta kaloj natën në qytet, mora një taksi dhe u nisa për në fshatin tim të lindjes. Kur arritëm në hyrje, unë zbrita nga taksi dhe u drejtova drejtë shtëpisë së Blerinës. Ti e di që unë atë e doja, dhe gjatë gjithë kohës sa isha atje, vetëm në të kam menduar. Kur u ndamë për herë të fundit, i kisha premtuar se do të kthehem shpejt nga Amerika, dhe kur të vijë, do ja dhuroj një qafore ari me një gurë xhevahiri në mes, ndërsa Sanijes, një shami mëndafshi nga më të shtrenjtat. Dëshiroja, edhe ta shohë Blerinën, por edhe t’i befasoj me ardhjen time. Kur u afrova tek shtëpia, edhe pse ishte bërë paksa vonë, Sanija qëndronte para derës. I habitur e përshëndeta dhe ajo më ftoi brenda. Në dhomë e takova edhe Blerinën. Desha ta përqafoj, por m’u kujtuan traditat tona dhe unë u përmbajta. Kur ua tregova dhuratat u gëzuan shumë, saqë Sanija, pasi e shpalosi, më puthi në ballë. Pastaj u ngritë dhe, më kujtohet shumë mirë, mori një shtambë me dhallë dhe tri gota. Ndjehesha tejet i lumtur që isha me Blerinën... dhe te tre biseduam deri vonë.

Kur më përcollën tek dera, dëgjova këngën e gjelave - ishte bërë mëngjes. Nuk më ftuan që të vij sërish! Dhe kjo më befasoi. Kur arrita në shtëpi, nëna dhe babai veç ishin zgjuar. Pasi u përshëndetëm dhe përqafuam me shumë mall, por edhe dashuri, u futëm brenda. Ma shtruan mëngjesin me qumësht të ngrohtë, që kishte kohë që nuk e kisha kërkuar, megjithatë, mendja nuk më ndahej nga Blerina. Derisa haja, babai më shikonte me habi por nuk fliste. Pasi hëngra mëngjes, u tha anëtarëve të tjerë, që tanimë ishin zgjuar të gjithë, që të largohen nga dhome se kishte diçka personale për të biseduar me mua.

-Biri im - më tha, ti ke arritur mbrëmë, këtë e di, se nuk ka mjet qarkullues kaq herët, sidomos në këto anët tona. Por më thuaj, ku ke qëndruar gjithë natën?

-Po baba - i thash, kam ardhur mbrëmë. Ti e di që unë e kam dashur Blerinën dhe para se të ik për Amerikë, i kam premtuar diçka. U ktheva së pari tek ajo shtëpi për ta përmbushur atë premtim. Kemi ndenjur deri para mëngjesit.

Kur i dëgjoi këto fjalë, babai u shqetësua shumë, dhe pak si me nervozë m’u drejtua:

-Qetsor, biri im, ti kurrë nuk më ke gënjyer?!

-Nuk po të gënjej as tani baba. Është e vërtet, unë isha mbrëmë tek Blerina.

-Por ato kanë vdekur, që te dyja, para disa vitesh biri im -më ktheu babai.

Unë mbeta gojëhapur! Pastaj ai filli të më tregoj për tragjedinë që e kishte goditur atë familje bujare.

Në brendinë time sikur diçka pëlciti. Nuk mund të qëndroja më dhe u nisa menjëherë drejt shtëpisë nga e cila sapo isha kthyer. Babai më ndoqi prapa. Tanimë dielli kishte lëshuar rrezet mbi fshatin tim. Kur iu afrova shtëpisë pash se gjithkund përreth saj kishin mbirë barishte. Dritaret ishin të mbyllura... gjithçka dukej e boshatisur! Nuk ndjehej frymë e gjallë në atë mjedis. Hapem derën dhe u futëm brenda. Gjithçka brenda e kishte mbuluar pluhuri: dyert, dritaret, muret, tavolinën... vetëm në karrigen ku unë isha ulur nuk kishte pluhur. Nuk kishte as në karrigen e afërt, në pjesën ku unë kisha mbështetur krahët e mi. Mbi tavolinë qëndronin dhurata e mia: qaforja prej ari dhe shamia e mëndafshtë. Pranë tyre ishte vetëm gota ime e zbrazët nga e cila kisha pirë disa orë më parë. Nuk ishte as shtamba as gotat tjera! M’u kujtua se unë Sanijes, shaminë ia kisha dhënë të mbështjell në një letër të shkëlqyese me ngjyrë të argjend. Ajo e kishte hapur, e kishte shikuar dhe menjëherë e kishte vënë në kokë. Tani ajo qëndronte e palosur bukur mbi tavolinë, ndërsa letra e shkëlqyer ishte mbi dysheme.

I mblodha të gjitha, dhe dolëm nga shtëpia....

-Këtu e përfundoi rrëfimin Qetsori dhe, pa u përshëndetur, u ngritë dhe iku i thelluar në mendime - tha xha Garipi, që deri më tani kishte pirë disa cigare një pas një.

Nga ajo ditë, Qetsori ndryshoi i tëri. I ikte çdo kontakti me njerëz. Njerëzit që vinin për ta takuar befasoheshin me heshtjen e tij. Pas ca kohe, heshtjen e thelloi edhe me mua. Nuk donte të më takonte. As me anëtarët e familjes nuk bisedonte. Pas disa muajsh u mbyllë tërësisht në vete, sikurse të kishte jetuar në ndonjë botë tjetër. Me të hollat që i kishte kursyer ndërtoi një përkujtimore të madhe nga graniti mbi varrezën e Blerinës. Pranë saj ndau edhe ca vend për trupin e tij. Të gjithë u habitën me këtë gjest dhe pëshpëritej çmos nëpër fshat por edhe rrethin.

Pas dy vitesh vdiq edhe ai vet. Thonë se prindërit e shitën qaforen e arit me gjithë gurin e xhevahirtë dhe me ato të holla i ndërtuan përkujtimore edhe djalit të tyre - ngjitur me atë të Blerinës.

Flitej në fshat se dashuria mes Qetsorit dhe Blerinës ishte më e fuqishme se vet vdekja e saj. Dhe kjo dashuri e pastër dhe e çiltër kishte mbajtur edhe më tej, edhe pas vdekjes së saj, të fuqishme lidhjen mes tyre... derisa u bashkuan në amshim - tha xha Garipi dhe thithi thellë cigaren e pastaj heshti. Heshta edhe unë një kohë të gjatë i thelluar në mendime për këtë dashuri të pafat.

HAKMARRJE NGA LARGËSIA

lori — Fri, 03 Sep 2010 18:46:23 +0000

HAKMARRJE NGA LARGËSIA

Bota ku frymojmë është përplot sekrete. Ndodhitë e pazakonta që manifestohen në forma të ndryshme, janë shpesh të pakapshme për natyrën e mendjes sonë. “Çudirat nuk ndodhin në kundërshtim me natyrën -thotë Shën Augustini, por vetëm me atë që ne e njohim si natyrë”. Pra, natyra nuk i thyen ligjet e veta, jemi ne ata që nuk arrijmë t’i kuptojmë ato. Prandaj, vizitorë të nderuar, mos u trembni nga e panjohura. Mos ngurroni ta thoni të vërtetën sepse ne ju kuptojmë...!

Rasti i Masar Kurtit, nga Peja, është rasti interesant dhe i veçantë nga raportet kriminalistike.

Masari u martua në moshën 35 vjeçare, me Elenën, me të cilën ishte dashuruar që nga vitet e shkollës së mesme. Elena ishte bukur ndërsa Masari mjaft i pasur. Ndoshta edhe kjo ishte arsyeja e vërtet e martesës së tyre. Masari kishte trashëguar pasuri te bollshme, sa që nuk kishte nevojë të shqetësohej për mirëmbajtjen e familjes, prandaj dhe studioi dhe mbaroi dy fakultete: arkitekturën dhe arkeologjinë.

Masari bëri shpejt famë, edhe si arkitekt edhe si arkeolog, sa që iu ofruan oferta të shumta për gjurmime nëpër shumë vende të botës. Gjithnjë udhëtonte bashkë me Elenën. Në fillim Elena ishte entuziazmuar nga këto shëtitje, mirëpo, me kohë, kjo filloi të kthehet në monotoni. Masari ishte shumë i pasionuar pas profesionet sa që, i humbur në gjurmime, e harronte shpeshherë edhe Elenën, megjithëse e dashuronte me shpirt.

Elena arriti ta bind disi Masarin, që udhëtimin për në Turqi, ta bënte pa të. Edhe pse atij ky veprim i bashkëshortes nuk i pëlqeu, megjithatë, vendosi ta respektoj dëshirën e saj. Mirëpo, para se të nisej, e paralajmëroi Elenën, se ai gjithnjë do të ishte pranë saj dhe se ajo do ta ndjente pranin dhe dashurin e tij në çdo hap. Dhe vërtet, ajo e kishte një ndjenjë se dikush ishte përherë i pranishëm në hapësirat e shtëpisë ku ajo banonte.

Fqinjët, më vonë, nuk dëshmuan as edhe një fjalë kudër Elenës së bukur, edhe pse ishte i dukshëm flirti i saj me një djalosh të ri. Për fatin e keq të saj, ajo atë e ftoi edhe në shtëpi.

“Jashtë ishte gjithçka në rregull. Koha shumë e bukur. Aroma e luleve dhe kënga e bilbilave dëgjojë kudo përreth. Unë ndjehesh e lirë, pasi ai ishte larg, dhe nuk kishte kush të më kontrollonte. Në shtëpi, vërtet ndjehej shpirti i tij, por kush kishte menduar se ai është i aftë për punë djajsh” - i dëshmoi Elena, më pas policisë.

Hektor Drini, po ashtu arkeolog dhe mik i Masarit, që ndodhej atë natë në të njëjtën dhomë me të në Antalia të Turqisë (pasi shpesh ishte përcjellës i tij i parë në gjurmime arkeologjike), nën betim, dëshmoi kështu ngjarjen:

“Ishte mbrëmje, rreth orës 9, kur fytyra e Masarit filloi të duket disi e tendosur. Sytë filluan t’i humbasin shkëlqimin dhe dukej sikur i tretur në kohë. Pastaj i mbylli dhe unë mendova se e zuri gjumi. Dhe sapo u bëra gati të shtrihem edhe unë në shtrat për të pushuar, ai i hapi ata përsëri. Në sytë e tij pashë lot. Ai po qante! U afrova më pranë dhe në sytë e tij vërejta aq shumë shqetësim sa u shtanga edhe vet nga habia, por nuk i thash asgjë. Papritura ai mu drejtua:

-Përfundimisht e bëra atë që duhej bërë, dhe tani për mua jeta më nuk ka kuptim.

Pak qaste më vonë, Masari i mbylli sytë përgjithmonë. E dërgova personalisht në spital ku u konfirmua vdekja e tij nga ataku në zemër.

Nuk ka asfare logjike që ai në ato qaste të ishte larguar nga Antalia , e më së paku të ishte kthyer për ne Pejë. Kjo është marrëzia më e madhe që mund të mendohet. E pranoj, më vonë mu dukë e çuditshme ajo që ai më tha në ato qaste, por në esencë, ai nuk tha asgjë konkrete”- përfundon Hektori.
Atë mbrëmje kur Masari vdiq në dhomën e hotelit Metiterra, në Antalia, bashkëshortja e tij, Elena e kishte ftuar në shtëpi, studentin e ri, Mirush Lamen. Kishte pirë ndonjë gotë më tepër, dhe përkundër ndjenjës se shpirti i të shoqit ishte i pranishëm aty, ajo u gjet në përqafim të studentit të ri.. Një puthje, pastaj edhe një tjetër... dhe përfunduan në shtrat.

Sipas dëshmisë së Elenës, gjithçka rrodhi sikur në ëndërr dhe më pas atë e kishte zënë gjumi ose kishte humbur vetëdijen - nuk mund ta perceptonte saktësisht. Por kur ishte kthjellur dhe i kishte hapur sytë e kishte parë të shoqin. “E dita së është shpirti i tij, pasi nuk fliste asgjë, vetëm më vështronte vëngër mua. Pastaj filloi të qajë. Fërkova sytë dhe brofa në këmbë. U drejtova kah banjoja për ta larë fytyrën. Mendova se mos jam ende në ëndërr, mos e gjithë kjo është vetëm një halucinacion çasti. Pasi u qetësova u ktheva sërish në dhomën e gjumit me shpresë se hija e tij nuk do të jetë më e pranishme aty. Dhe derisa i afrohesha dhomës së gjumit, dëgjova një klithmë të tmerrshme dhe një rënkim, ofshamë të mbytur. E kuptova se ai ishte akoma aty.” - deklaroi Elena në seancën e parë hetimore. Pak kohë më vonë Elena përfundoi në një klinik psikiatrike.

Sipas dëshmive të Elenës para hetuesve, kur ajo kishte hyrë në dhomë kishte parë hijen e burrit të saj të hedhur mbi studentin e ri. Për pak sekonda ai kishte arritur që t’ia thyej qafën dashnorit të saj. E kishte shikuar Elenën që çirrej e lemerisur tek dera e dhomës dhe si nëpër mjegull ishte zhdukur. Elena ishte hedhur mbi trupin e dashnorit të saj - tanimë të pajetë. E kishte ndier ftohtësinë e trupi të tij. Ishte tmerruar dhe kishte lajmëruar policinë.

Dyshimet e para ishin hedhur mbi Elenën. Por cili mund të ishte motivi që e kishte shtyrë këtë grua të bukur ta bëjë një krim të tillë? Dhe a kishte pasur ajo aq forcë sa t’ia thyej ashtu qafën një djaloshi të ri e të fuqishëm?... Dhe shumë shpejt u konstatua diçka e çuditshme. Shenjat e dukshme të gishtërinjve mbi zinxhirin dhe qafën e studentit Mirush Lama, pas ekzaminimit, rezultuan të Masar Kurtit! Në dhomë, por as në gjithë shtëpinë, nuk u gjet asnjë dëshmi tjetër. Rasti u përmbyll si rast i veçantë dhe i pazgjidhur - mister.

Si ishte e mundur vallë një gjë e tillë! A kishte udhëtuar vërtet shpirti astral i Masarit nga Turqia për ta vizituar të dashurën, dhe kur e kishte takuar ashtu, ishte çmendur dhe kishte mbytur dashnorin e saj, e pastaj kishte ndërruar jetë edhe vet? Apo ishte shpirti i Masarit (pasi kishte vdekur) i cili kishte udhëtuar për tu përshëndetur me gruan... dhe kishte shkaktuar këtë vrasje? Apo ishte dora e tretë që kishte kryer këtë krim? Pyetjet ishin të shumta, por përgjigjet mungonin!

Të mos harrojmë se bota ku ne frymojmë është përplot sekrete. Ndodhitë e pazakonta që manifestohen në forma të ndryshme, janë shpesh të pakapshme për natyrën e mendjes sonë. “Çudirat nuk ndodhin në kundërshtim me natyrën -thotë Shën Augustini, por vetëm me atë që ne e njohim si natyrë”. Pra, natyra nuk i thyen ligjet e veta, jemi ne ata që nuk arrijmë t’i kuptojmë ato.

Zbulohet në arkivat greke një poemë e panjohur për Ali Pashë Tepelenë

alma — Fri, 03 Sep 2010 16:50:17 +0000

Historiani Arben Llalla sjell vargjet në gjuhën shqipe që i janë kushtuar Ali Pashës në vitin 1871

Figura e Ali Pash Tepelenës ka tërhequr vëmendjen e shumë studiuesve dhe historianëve të huaj. Pas vdekjes së tij shumë shkrimtar francez shkruajtën për të dhe bëmat, qeverisjen e suksesshme të këtij Pashai i cili ishte largpamës. Udhëheqësi Ali Pash Tepelena ishte përgatitësi i Kryengritjes greke për të fituar pavarësinë. Ai në çifligun e tij përgatiti ushtarakët dhe gjeneralët e Revolucionit të 1821 që përfundoj me Pavarësinë e Greqisë. Por figura e këtij Veziri të Sulltanit që bëri përpjekje për shkëputjen e Vilajetit të Janinës nga Perandoria Osmane dhe themelimin e shtetit të tij nuk është zbardhur ende. Janë me qindra libra që shkruajnë për jetën, bëmat, intrigat e Ali Pashait që nuk kanë dalë në dritë.Pak kohë më parë dr. Irakli Koçollari na solli në dritë një poemë të panjohur që i kushtohej Ali Pash Tepelenës. Sipas studiuesit Koçollari kjo poemë është mbajtur shënim nga francezi Emile Legrand në vitin 1873 i cili gjendej me punë në Athinë.Emile Legrand është njëri nga neohelenistët francez që është marrë me studimin e gjuhës së re greke, por edhe me letërsinë e shqiptarëve të Greqisë. Ai në vitin 1912 ka botuar librin: “BIBLIOGRAFIA E BOTIMEVE SHQIPTARE NGA SHEK.V-XIX”, e cila është botim i Bibliotekës Universitare të Parisit.Gjatë kërkimeve në arkivat greke ndesha një libër të vitit 1871 të këtij studiuesi. Titulli i libri është: “COLLECTION DE MONUMENTS POUR SEHVIR A L’ETUDE DE LA LANGUE NEO-HELLENIQUE nr.18- GENEALOGIE D’ALI PACHA” (Përmbledhje e Monumenteve për të shërbyer mbi studimin e gjuhës së re grek, nr.18 – Gjenealogjia e Ali Pashait). Libri fillon me një parathënie të Emile Legrand mbi poemën që i kushtohet Gjenealogjisë së Ali Pash Tepelenës, ngjitjen e tij në frontin e Vezirit të Janinës, lidhjet e ngushta me nënën e tij Hankon, këshillat e saja etj.Siç shkruan Legrand këtë poemë e ka njohur nga profesor z. Brunet de Presle që i kishte mësuar gjuhën e re greke. Poema është sjellë në Francë nga z. Grasset, agjent konsullor i Francës në Epir. Për fat të keq autori ka mbetur anonim, por Emile Legrand bënë vlerësimet më të larta nga ana e krijimtarisë letrare.Në këtë libër janë botuar edhe disa vargje në gjuhën shqipe që i kushtohen vdekjes tragjike të Ali Pash Tepelenës. Vargjet e shkruar në gjuhën shqipe me alfabetin grek tregojnë çastet kur mbërrin ushtria e sulltanit dhe i bëjnë thirrje Aliut plak të dorëzohet.Sipas Emil Legrand vargjet në gjuhën shqipe janë gjetur në dorëshkrimet e konsullit M.Grasset. Sipas Legrandit këto vargje duhet të jenë pjesë të ndonjë kënge e cila në libër është përshtatur edhe në gjuhën greke nga ndonjë shqiptar. Si do të që jetë kemi të bëjmë me një libër që përmban vlera të larta për letërsinë dhe historinë shqiptare.Siç kam thënë vite më parë një pjesë e mirë e pasurisë historike dhe letrare të shqiptarëve fshihet nëpër bodrumet e bibliotekave greke. Shqiptarët e Greqisë të shek.XIX kanë shkruar shumë libra në gjuhën shqipe, por ende nuk kanë dalë në dritë. Ndoshta shqiptarët që grekët i thërrasin arvanitas kanë shkruar më shumë se arbëreshët e Italisë, por për fat të keq letërsia e tyre shumë pak është studiuar. Libri ka edhe një kapitull mbi Monumentet Arkeologjike në Greqi, autor i së cilës është CH.GIDEL.

Më poshtë po sjellim të transkriptuar vargjet që janë në libër në gjuhën shqipe me alfabetin grek.

MBYLLJA E ALI PASHAIT
Ditne novruzit erdhi haberi
Me gazep vjen Rumëlia
Të përpiqi si ësh nderi
Si na e napi Perëndia.
Kjo kalaja me bëndenja
Shum asqeri që mbilltu ri brenda.
Ali Pasha Tepelena
Seç lëfton me nji padishahi
Aferim moj kulla shëravi
Çë ruan kalain anembani
Trimëri gai bëri ishpati
Mahmut bei allaman
E beni selam Hrushiti
Të më prej mua plak
Se unë jam veziri
Sulltan Hamitit
Se ti më bjer
Itlah fermani
Ju, begleri Anatolisi,
I bëni rixhan Rumelisi.
Se un jam veziri i Shqipurisi
Ju, xhohandari ju, ndevambi,
Shikoki se dot më kujtoni,
Kur tju shan Hasan bei Vrioni
Pre mua hiç do thoni:
“Sheh Islamin me Patriakut
Kale xun te mbretëria
Vall ishtë ga ill Perëndia
Se të prun Ali pashani;”

Hidhërimi dhe tërbimi për shkak të fëmijëve të gjinisë femërore

alma — Fri, 03 Sep 2010 15:38:12 +0000

Hidhërimi dhe tërbimi për shkak të fëmijëve të gjinisë femërore

"Dhe kur i vjen lajmi për lindje të vajzës, cilit do prej tyre i nxihet fytyra dhe përbrenda mbushet plot hidhërim që zien! Ai fshihet me turp nga njerëzit për shkak të së keqes që ia njoftuan. A ta mbajë atë me dhimbje e i poshtëruar, apo ta mbulojë atë në tokë? A nuk është me të vërtetë i ligë gjykimi i tyre?” (Nahl, 58-59).
Ky gabim nuk paraqet vetëm gabim në edukim, por edhe në besim - akide.
Për fat të keq, madje edhe sot, në kohën bashkëkohore të përparimit të gjithanshëm, kemi raste mjaft të shpeshta kur disa prindër hidhërohen e tërbohen kur Allahu iu dhuron fëmijë të gjinisë femërore. Disave kjo u vie aq vështirë, saqë ndiejnë turp, kështu që zemërohen rëndë me bashkëshorten e vet duke ia bërë të pamundur fëmijës jetën normale që në fillim. Nuk ka kurrfarë dyshimi se sjellja e tillë bën pjesë në zakonet e xhahilijetit dhe në zakone e veprime të xhahilëve (injorantëve).
Kemi të bëjmë me një gjë aq të madhe e të rrezikshme, saqë për të në mënyrë të drejtpërdrejtë flet edhe Zoti i gjithësisë, Allahu i Gjithëmundshëm, i Cili thotë (shqipëruar në këtë kuptim): "Dhe kur i vjen lajmi për lindje të vajzës, cilit do prej tyre i nxihet fytyra dhe përbrenda mbushet plot hidhërim që zien! Ai fshihet me turp nga njerëzit për shkak të së keqes që ia njoftuan. A ta mbajë atë me dhimbje e i poshtëruar, apo ta mbulojë atë në tokë? A nuk është me të vërtetë i ligë gjykimi i tyre?” (Nahl, 58-59).

Ekziston thënia e njohur: "Dita e mirë njihet në mëngjes”, andaj çka mund të presë fëmija i cili është pritur kështu në këtë botë???
Nëse në ndonjë rast do ta vizitonit cilindo nga spitalet e mbarë botës dhe do të përqëndronit vëmendjen në pamjen e fytyrës së njerëzve të pranishëm që në atë moment kanë marrë lajmin për lindjen e fëmijës, e t’i dëgjoni e analizoni sjelljet e tyre, do të mund të vëreni përputhje të habitshme ndërmjet Fjalëve të Allahut të Lartësuar dhe sjelljeve të tyre.
E njëjta gjë vërehet edhe në spitalet ku, me anën e ultrazërit, shikohen shtatzënat dhe zbulohet gjinia e foshnjes. Do të mund të vëreni qartë se si shumica e baballarëve gëzohen pamasë kur bashkëshortet i informojnë se presin fëmijë mashkull, ndërsa atyre që u thuhet se do të kenë vajzë ngrysen në fytyrë dhe thellohen në mendimet e veta, e nuk është i vogël numri i atyre të cilët haptazi tregojnë shenjat e tërbimit e të zemërimit. Allahu i Lartësuar na mbroftë nga sjellja e tillë!

Rreziqet e sjelljes së tillë janë:
- Paraqet kundërshtim të hapur ndaj caktimit të Allahut, kaderit.
- Është pakënaqësi e qortim ndaj mëshirës dhe dhuratës së Allahut të Lartësuar.
- Është imitim i pabesimtarëve dhe pasimi i zakoneve të xhahilijetit.
- Është dëshmi e primitivizmit të atyre njerëzve, e injorancës së tyre, e jostabilitetit psikik dhe e prapambeturisë intelektuale.
- Kjo është për gruan ngarkesë në gjërat të cilat nuk mund t’i ndryshojë dhe në të cilat nuk mund të ndikojë. Disa madje e urrejnë gruan që pret dhe lind fëmijën e gjinisë femërore.
- Kjo është përbuzje, përçmim e përulje e personalitetit të gruas për gjëra në të cilat ajo nuk ka ndikim.
Marrë nga libri: "Gabimet e rrezikshme në edukimin e fëmijëve”,
Muhammed Ibrahim b. el-Hamed

Të rinjtë në Ballkan agjërojnë me shumë Ramazanin

alma — Fri, 03 Sep 2010 15:25:08 +0000

"Njoh shumë njerëz të besimeve tjera që respektojnë Ramazanin, e kjo me pëlqen shumë,"thotë ajo. "Kam shoqëri katolike dhe ortodokse që nuk pinë gjatë Ramazanit."

Mela Softiq ndaloi pirjen e alkoolit një muaj më herët si përgatitje për të agjëruar muajin e Ramazanit.
"Kjo është festa e vetme fetare në të cilën unë i përmbahem të gjitha rregullave."thotë 24 vjeçarja Softiq, menaxhere e marketingut duke bërë shaka se ajo është "Muslimane me bateria"sepse sillet si besimtare e vërtetë vetëm një muaj gjatë tërë vitit.
Softiq i takon një gjeneratës së qytetarëve të rinj musliman që pranuan Islamin gjatë dhe pas luftës së Bosnjës 1992-95, ku muslimanët pësuan dëme të mëdha. Këta të rinj janë prej familjeve të moderuara Islame, shumica prej të cilave ishin sekulare gjatë kohës së socializmit, kur Bosnja ishte pjesë e Jugosllavisë.
Duke ju përmbajtur rregullave, shumica nuk hanë mish derri, i cili gjendet vështirë në mishtoret e Sarajevës apo në restorante. Por jashtë Ramazanit, shumica ende pinë alkool.
"E gjithë shoqëria ime është duke agjëruar,"thotë vajza sy-kaltëroshe me flokë të zbuluara dhe me veshje biznesi.
Kryeqyteti i Bosnjës Sarajeva është i njohur për bashkë ekzistencën e muslimanëve, të krishterëve dhe ortodoksëve e edhe të jehudëve në 5 shekujt e kaluar.
Por prej luftës është shndërruar një qytet me shumicë muslimane. Kthimi në fe ndjehet në të gjitha sferat e jetës, jo edhe pak sepse edhe politikanët dhe prijësit Islam kanë promovuar vlerat e fesë.
"Identifikimi fetar është rritur shumë pas vitit 1990, dhe disa studime tregojnë se 90% të boshnjakëve e identifikojnë veten me fenë e tyre të respektuar,"thotë Zilka Spahiq Siljak, koordinatore e studimeve fetare në Universitetin e Sarajevës.
Ajo e shpjegon këtë modë pjesërisht për shkak të luftës por edhe për shkak të sistemit të ri politik dhe shoqëror pa ndarjes së Jugosllavisë.
Para lufte, muslimanët në qytet e mbanin fenë në shtëpitë e tyre vetëm si pjesë të traditës familjare dhe kulturës, por zakonet shumë radhë u mbaheshin.
"Feja kishte dalë nga jeta publike para viteve të 90-ta dhe pastaj erdhi liria dhe njerëzit donin të shfaqnin publikisht identitetin e tyre fetar,"thotë ajo.
Softiq thotë se të gjithë shoqet e saja muslimane në shkollën e lartë agjëruan gjatë Ramazanit dhe se është diçka e modës që respektohet edhe nga besimet tjera.
"Njoh shumë njerëz të besimeve tjera që respektojnë Ramazanin, e kjo me pëlqen shumë,"thotë ajo. "Kam shoqëri katolike dhe ortodokse që nuk pinë gjatë Ramazanit."
Në Bosnje, organizimet e iftareve në mbrëmje janë bërë çështje prestigji në mes politikanëve dhe biznesmenëve musliman, si dhe ngjarje shoqërore për muslimanët e zakonshëm.
Tregtarët duhet të përgatiten për muajin e agjërimit dhe duhet ti përshtatin porositë e tyre: më pak alkool dhe duhan, më shumë rrush të terur dhe sheqer, arra, lajthia, bajame si dhe elemente përbërëse për pjekjen e ëmbëlsirave orientale si bakllavat.
"Ka lëvizje të mëdha në shitje të disa produkteve. Ne shesim vetëm pak hurme gjatë tërë vitit ndërsa gjatë Ramazanit ne shesim me paketa,"thotë Zilha Zornic, menaxhere e një qendre të madhe tregtare në Sarajevë.
Zakonisht muslimanët e prishin agjërimin e gjatë ditor me hurma para ushqimit.
Gjatë agjërimit 15 orësh prej lindjeje deri në perëndim, muslimanët nuk duhet të hanë, pinë apo konsumojnë duhan.
"Ramazani është muaj special për mua, unë e shoqëroj me sjellje më të mira me njerëzit,"thotë Softiq. "Unë ndjehem se vetëm atëherë ne respektojmë me të vërtetë njëri tjetrin."
nga kaderprizren)

Imami nga Tetova thyen paragjykimet për islamin

alma — Fri, 03 Sep 2010 15:15:16 +0000

Që dy javë imami i xhamisë shqiptare jep mësim fetar islam në dy shkolla fillore të Kreuzlingenit, ku marrin pjesë 24 nxënës të klasës së katërt të besimit islam nga gjithsej 29 të mundshëm, 9 vajza dhe 15 djem.

“Ora e parë kaloi mirë, por shumë shkurt”, thotë Rehan Neziri. “Interesimi i dyanshëm ishte shumë i madh”. Përshtypjet e tij te nxënësit janë shumë pozitive, thotë mësuesi. Mirëpo për momentin ata nuk mund ta paramendojnë ndonjë vizitë të gazetave apo të televizionit. Ai i ka pyetur nxënësit për këtë, e ata janë përgjigjur: “Ndoshta një herë më vonë”.

Nuk ka rrezik islamistësh

Interesimi për këtë projekt trevjeçar është i madh edhe në qarqet politike. Të mërkurën e ardhshme (1 shtator ’10) ky do të debatohet edhe në Këshillin e Lartë (parlamentin kantonal të Thurgaus). Në një interpelancë të tij, këshilltari kantonal i SVP-së Hermann Lei dëshiron të dijë me siguri se ky mësim “nuk do të jepet nga ana e islamistëve”. Fakti se këtë projekt e bartin shoqata të ndryshme islame, me ç’rast ekziston një kontroll brenda-islam lidhur me përmbajtjen e mësimit, e qetëson dhe e zbut qeverinë kantonale. Përveç kësaj, mësimi do të zhvillohet në hapësirat publike të shkollës, “ku mësuesit do ta kuptonin shpejtë ndonjë tendencë të pakëndshme”.

I përcjellë shkencërisht

Ky projekt është përgatitur nga një dorë e gjatë në Tryezën e Rrumbullakët të Religjioneve dhe nga përfaqësuesit e dy xhamive vendëse, atyre të komunës e të autoriteteve shkollore, të dy kishave vendore dhe të Shkollës së Lartë Pedagogjike, e cila përmes Këshillit për shkollë dhe religjion, do ta përcjellë shkencërisht rrjedhën dhe funksionimin e këtij projekti. Kah fundi i muajit prill për këtë qëllim u themelua edhe Shoqata për Mësimin Islam në Kreuzlingen (Verein für Islam-Unterricht in Kreuzlingen - VIUK), kryetar i së cilës është ish i deleguari për integrim pranë komunës së Kreuzlingenit, z. Christoph Kreis. Xhamia shqiptare dhe ajo turke përfaqësohen me nga dy anëtarë në kryesinë e kësaj shoqate.
Në faqen e internetit www.viuk.ch , të aktivizuar e të përgatitur nga imami Neziri javën e kaluar, jepen informata transparente dhe gjithëpërfshirëse, ndër të tjera edhe për konceptin dhe financimin e këtij mësimi. Nxënësit e shkollës fillore në Kreuzlingen përbëjnë secili grup fetar nga një të tretën e numrit të përgjithshëm të tyre: katolikë, evangjelistë si dhe muslimanë, thekson Kreis.

Akt i barazimit

Trajtimi i barabartë i muslimanëve është, sipas kësaj, çështje e ekumenizmit dhe një akt i barazimit. Në këtë kuptim, tanimë edhe bashkësitë krishtere janë deklaruar se këtë projekt do ta mbështesin me nga një kontribut të vogël financiar. Këtu bën pjesë – çka është kritikuar nga vizituesit e kishës – edhe një tubim vullnetar i mjeteve për shembull nga famullia katolike St. Ulrich.
Për vitin e parë të projektit është paraparë një buxhet prej 6’300 frangash. Dy të tretat do të paguhen nga dy xhamitë dhe prindërit e fëmijëve, kurse pjesën e mbetur grupi i projektit e ka organizuar nga organizatat publike, ndërmarrësit ekonomikë dhe sponsorët privatë. Për financimin afatgjatë të këtij projekti, sipas konceptit të parashtruar, megjithëkëtë ekziston një vështirësi, ngase organizatat islame nuk janë të njohura publikisht dhe për rrjedhojë ato nuk mund të mbledhin ndonjë tatim nga anëtarët e tyre. Si duket edhe në të ardhmen ato duhet t’i gërryejnë thellë xhepat e tyre, supozon kryetari Kreis.

Një rast fatlum

Imami Rehan Neziri punon që shtatë vjet në Kreuzlingen. Si një shtetas i Maqedonisë ai ka studiuar teologjinë në Turqi ku edhe ka magjistruar në lëmin e sociologjisë së religjionit. Si baba i tre fëmijëve për një kohë të shkurtër ai e ka përvetësuar shkëlqyeshëm gjuhën gjermane – “një rast fatlum, një njeri absolutisht në nivel”, shprehet për të kryetari Kreis. Sa i takon projektit ai orientohet sipas modeleve të hapësirës së jugut të Gjermanisë dhe punon me mjetet mësimore të tyre.
Ajo çka vlen për mësuesin Neziri, vlen edhe për nxënësit e tij. Si nxënës të klasës së katërt të shkollës fillore natyrisht se të gjithë janë të integruar plotësisht. Shumica prej tyre janë të gjeneratës së dytë ose të tretë që jetojnë në Zvicër. – E, shamia? Është ajo një problem? “Jo”, shprehet kryetari i Shoqatës, z. Christoph Kreis. “Në këtë moshë ajo edhe ashtu nuk është e përdorshme”.

Sektori i financave Islame synon shumën e 2 bilion dollarëve

alma — Fri, 03 Sep 2010 15:06:16 +0000

Sektori i financave Islame ka në plan të bëhet një industri e 2$ bilion në 3-5 vitet e ardhshme ku do të shënoj një rritje nga ajo e tanishmja 1$ bilion pavarësisht ngadalësimeve financiare.

Edhe pse industria e financave Islame ka gëzuar një rritje të shpejtë gjatë viteve të fundit, sfida kryesore është të sigurojë që kjo rritje të jetë e qëndrueshme.
Në 17 vjetorin e konferencës botërore bankare Islame ( WIBC 2010), e cila do të mbahet nga 22 deri më 24 nëntor në hotelin e gjirit, do të paraqesë nivelin e lartë të diskutimeve dhe debateve për ndërtimin e një paradigme të re të rritjes dhe për të siguruar suksesin e vazhdueshëm të industrisë bankare të financave Islame.

Një nga seancat kryesore në tryezë të rrumbullakët në WIBC 2010 do të jetë diskutimi kritik nga zhvillimi i industrisë së financës islame dhe ri-konfigurimi i modeleve të biznesit në kontekstin e financave të reja globale.

"Rruga që financat islame të lëvizin nga gjendja e saj e tanishme nga 1$ bilion në nivelin e merituar të 2$ bilion në pesë vitet e ardhshme, industrisë i duhet paradigma e zhvendosjes së ndryshimeve," tha Thomson Reuters kreu i financave globale Islame dhe drejtuesi kryesor i konferencës Rushdi Siddiqui .

'Ne jemi duke monitoruar dhe në mënyrë aktive marrim pjesë në zhvillimet interesante të cilat do t'i lëvizin financat globale Islame në atë nivel - nga marrëdhëniet bilaterale në likuiditete të shumta, nga regjistrimi i fondeve tek fondet e supermarketeve, nga fragmentimi deri tek lidhja, nga divergjenca në konvergjencë, dhe nga qendra islame e financave tek transaksionet shpërndarëse.

"Konferenca është një ngjarje e rëndësishme për financa islame në këtë kontekst ajo përfaqëson konvergjencën globale të palëve të interesuara të shumta për të krijuar një qendër të ndërlidhur të transaksioneve.

"Si partner i njohur, ne shikojmë përpara për ndarjen e këtyre njohurive dhe aq më shumë në konferencën e WIBC 2010," shtoi ai. /TradeArabia News Service/

Francë: Zinxhiri i restoranteve hallall

alma — Fri, 03 Sep 2010 14:42:44 +0000

Kompania e popullarizuar "Quick", ka paralajmëruar rritjen e numrit të hallall restoranteve në zinxhirin e saj të restoranteve në Francë, pasi që pilot projekti i diskutueshëm në muajin shkurt u tregua i suksesshëm.

Zinxhiri për ushqim të shpejtë "Quick" pas suksesit të tetë hallall restoranteve eksperimentuese në Francë, nga 1 shtatori i këtij viti planifikon që edhe 14 restorante të saj të shërbejnë vetëm ushqim hallall

Ky vendimi i "Quick"-ut, është miratuar pasi restorantet eksperimentuese janë treguar si sukses i vërtetë komercial, duke i dhënë hov tregut të ushqimit të shpejtë. Rritja e shitjes në restorantet e tilla arriti pothuajse 100%.

Sipas vlerësimeve të "Quick"-ut me shitjen e ushqimit hallall janë përfituar 12 milionë euro dhe në çdo restorant janë krijuar 25 vendeve të reja të punës. Sipas vlerësimeve të grupit, tregu i ushqimit hallall në Francë duhet të arrijë 5,5 miliardë euro, gjegjësisht dyfish më shumë nga bioushqimi, me rritje vjetore prej 15%.

Gjithsej 22 prej 358 restoranteve, sa i posedon "Quick"-u në Francë, disponojnë me vërtetim nga autoritetet religjioze se e respektojnë ritualin religjioz të therjes së mishit i cili shërbehet në restorantet hallall. Në këto restorante mishi i derrit nuk shërbehet.

Zgjedhjen e restoranteve hallall, "Quick" e bëri pasi i analizoi numrat e sanduiçeve të shitura me peshk, mish gjedhi dhe pule dhe shumë numër i vogël i sanduiçeve me mish derri dhe variacionet e shitjes gjatë Ramazanit. Dhjetë prej restoranteve hallall gjenden në rajonin e Parisit.

Vendimi i "Quick"-ut për shitjen e " hallall hamburgerëve" shkaktoi polemikë në Francë, veçanërisht në klasën politike.

Disa politikanë kanë reaguar ashpër ndaj hapjes së restoranteve të tilla, duke thënë se kjo privon jomuslimanët nga të drejtat e tyre për një burger standard dhe se një veprim i tillë nxit ndarje në shoqëri.

Por, "Quick" paralajmëron se për konsumatorët që nuk duan mish hallall, do t'u ofrohet Burger jo-hallall i cili do të përgatitet në ndonjë vend tjetër, por i ngrohur në vendin ku kërkohet.

Duke pire cigare

lori — Thu, 02 Sep 2010 18:42:22 +0000

Njeri banonte ne nje ndertese ne katin e dyte dhe del ne dritare per te pire cigare. Kur mbaron cigaren e hedh nga dritarja jashte,mirepo i bie ne koke nje udhetarit qe kal0nte dhe udhetari i thot i cili thote:
Po ti o s’ke tabull(shpuzore) ne shtepi ?
Dhe ky i pergjigjet: Pse ore s’te doli cigarja ty, e dashke me tabull kokes?

Ilaç i ri për parandalimin e verbimit

alma — Thu, 02 Sep 2010 18:04:34 +0000

Studjuesit në Institutin Mbretëror të Britanisë për të Verbërit
thonë se kanë zbuluar një ilaç të ri, i cili mund të parandalojë
verbimin.

Ozurdex injection technique

Verbimi ashtu sikurse edhe faza të para të tij, si shikimi i turbullt,
apo njollat e zeza, janë simptoma të Sëmundjes së njohur si Bllokimi
i Venave të Retinës, që shkaktohet nga një bllokim në enët e gjakut të
syrit. Kjo sëmundje prek 1 në 200 njerëz mbi moshën 30 vjeçare.

Personat që vuajnë nga kjo sëmundje venë re papritur se shikimi në
njërin sy i është dëmtuar, ose i është bërë i turbullt.

Për të shmangur këtë sëmundje, në syrin e pacientit vendoset një minikapsulë,
e cila lëshon ilaçin Ozurdex, për 6 muaj rresht dhe pastaj ajo absorbohet nga trupi. Ky është mjekimi i parë i efektshëm që shmang bllokimin e venave të retinës, një proces i ngjashëm me atë të goditjes në tru.

Studjuesit thonë se ilaçi i ri mund t’i ndihmojë pacientët të ngasin makinën, që më parë nuk e kanë bërë dot këtë veprim në saje të shikimit të turbullt, si dhe t’u kthjejë disa të tjerëve kënaqësinë e leximit.

Provat e para kanë treguar se ilaçi Ozurdex i vendosur tek syri i pacientëve ka patur rezultat pozitiv dhe Instituti Mbretëror për të Verbërit po i kërkon qeverisë ta japin atë falas për pacientët që kanë nevojë për të.

Dashuria dhe pushteti i Kadaresë

alma — Thu, 02 Sep 2010 17:41:43 +0000

Romani i ri i Ismail Kadaresë fillon në një mëngjes të njomur me shi, në autostradë drejt aeroportit të Vjenës, kur një taksist përplaset nëpër gardhin e sigurisë, duke vrarë të dy pasagjerët e tij dhe duke e lënë vetën të lënduar rëndë.

Duket si një tragjedi e llojit të përditshëm, por, për arsye kurrë të shpjegueshme, raporti i shoferit i asaj çfarë ka ndodhur menjëherë para se ai të humbë kontrollin e veturës shkakton konfuzion.

Çifti në ulësen e prapme, ka thënë ai, dukej sikur "po tentonin të putheshin". Për arsye që kurrë nuk janë tërësisht të qarta, është një sugjerim se ky akt, siç duket i padëmshëm, mund të ketë përshpejtuar katastrofën.

Të vdekurit ishin të nacionalitetit shqiptar dhe vdekja e tyre bëhet subjekt i një hetimi të gjatë të kërkuar nga qeveritë e dy shteteve, Serbisë dhe Shqipërisë. I vdekuri, i njohur vetëm si Besfort Y, kishte punuar për Këshillin e Europës dhe kishte pasur një lidhje të pashpjegueshme me hetimet për krime lufte të ndërmarra nga Haga.

Del në shesh fakti se ai dhe gruaja, Rovena, një praktikante në Institutin Arkeologjik, kanë pasur një aferë të pasionuar nëpër hotelet europiane gjatë dymbëdhjetë viteve të fundit.

Dhe derisa dëshmitë grumbullohen nga disa njerëz të afërm të tyre, fillon të duket sikur përplasja të ketë pasur një shkak më keqdashës. Sekuenca e errët, si ëndërr që vijon, është terren i njohur për Kadarenë, fitues i shpërblimit "International Booker", vepra e të cilit është përkthyer në më shumë se tridhjetë gjuhë.

Romanet e tij të mëhershme të njohura, sikurse "Pallati i ëndrrave", kanë dokumentuar dimensionet paranojake, absurde, shpeshherë 'kafkaeske' të jetës nën regjimin e diktatorit shqiptar Enver Hoxha, ndoshta autokrati çuditërisht më i frikshëm i shekullit XX.

"Aksidenti" është i vendosur në Shqipërinë bashkëkohore dhe në Europën Qendrore, por hija e shkuar e Hoxhës ende mbetet, sikurse mbetet mjegulla e luftës që e kishte njollosur tërë gadishullin ballkanik gjatë viteve 1990-të dhe në fillim të viteve 2000. Është një vend ende dendur i përhumbur nga "çdo neveri e mundshme e njohur në këtë botë - vrasje, bombardim, vënie e popullatave të tëra në fytin e njëri-tjetrit".

Ky sfond sensacional luan një rol përbërës në këtë rrëfenjë me formë të ndryshueshme të dy njerëzve të kurthëruar nga njëri-tjetri, dashuria e tyre e destinuar të vdesë, madje edhe kur ata kërkojnë një "të çarë nëpërmjet së cilës mund të ikin" - jashtë tregimit të tyre, jashtë kohës.

E shënjuar me motive të pafundme nga folklori shqiptar, përfshirë tradhtinë, incestin, turpin dhe neverinë, sikurse edhe temat tragjike nga Platoni, Virgjili dhe Servantesi, kjo pjesë e narracionit është një "ndërhyrje e mençur", duke shpalosur dyzetë ditët e tyre të fundit, të përpiluara nga një hulumtues, obsesioni i të cilit me rastin kurrë nuk shpjegohet, por i cili përfundimisht është i habitur nga pyetja pa përgjigje: "Çfarë të drejtë kemi në këtë natë të zezë të pyesim rreth gjërave që janë përtej fuqive tona për t'i parë?"

Nxjerrja në shesh se misteri kurrë nuk zbërthehet plotësisht nuk e shkatërron tregimin, por nënvizon atë që ky libër nuk është: roman policor konvencional. Në vend të kësaj, është një eksplorim provokues i së keqes në marrëdhëniet njerëzore.

Në disa vende, karakterizimi është i rralluar - një lutëse e bukur me tendenca safike, e cila përfundimisht mbetet e bindur ndaj një njeriu, gjithmonë duke ia ofruar veten atij që mban erë të freskët pas preparateve të zgjatura në tualet. Por ky nuk është, në fund të fundit, roman realist.

"Shqipëria të ha", një mik i Besfortit i thotë atij pas largimit për në Belgjikë në vitin 1990. Ajo të çon në dëshpërim dhe nëpër kthesa, por nuk ka ikje prej saj. E njëjta gjë mund të thuhet edhe për këtë libër: është një gërmim i plasaritur, ndonjëherë detyrues dhe demoralizues i dashurisë, pushtetit dhe artit të papërkryer të rrëfimit.
(Shkrim i botuar në gazetën britanike "The Observer")

Qytetarët në Maqedoni të pakënaqur me punën e deputetëve

albina — Thu, 02 Sep 2010 17:37:52 +0000

Shkup, 2 shtaor - Qytetarët në Maqedoni me nota negative kanë vlerësuar punën e Kuvendit dhe të deputetëve. Ata mendojnë se Kuvendi i Maqedonisë është joefikas dhe nuk është në gjendje të kontrollojë zbatimin e ligjeve nga Qeveria.

Sipas sondazhit më të fundit të ‘Eurobarometrit’, të publikuar nga Komisioni Evropian në muajin gusht 76 për qind e qytetarëve nuk i besojnë Parlamentit, ndërsa 72 për qind nga ata nuk i besojnë Qeverisë. Nga Parlamenti i Maqedonisë nuk kanë dashur të komentojnë për mosbesimin e lartë të shfaqur nga ana e qytetarëve, kurse ekspertët mendojnë se kjo është një situatë e pritshme dhe vjen si rezultat i komunikimit të nivelit të ulët, debatet e zbrazëta dhe rolit pasiv të organit legjislativë. Qytetarët vlerësojnë se Parlamenti i Maqedonisë është jo efikas për shkak se nuk funksionon dialogu politik. Ata mendojnë se Kuvendi është joefikas dhe nuk është në gjendje të kontrollojë zbatimin e ligjeve nga Qeveria. Shumica e tyre thonë se deputetet janë pasiv dhe pa ide. Ndërkohë, Komisioni Evropian ka inkurajuar të gjitha partitë politike të punojnë në frymën e konsensusit me qëllim që të ballafaqohen me të gjitha çështjet e hapura.

Kolonë e kamionëve bllokon rrugët e Kinës

albina — Thu, 02 Sep 2010 17:34:49 +0000

Kolonë e kamionëve bllokon rrugët e Kinës

Një kolonë e gjatë e makinave dhe të kamionëve të bllokuar është formuar përsëri në një autostradë në verilindje të Kinës, e cili lidhë Pekinin dhe Tibetin. Gjatësia e kolonës është 120 km, ndërsa rritet për tre ditë me radhë. Kjo dukuri filloi të shfaqet së pari në dalje të Pekinit, sepse në rrjedhë janë duke u zhvilluar kufizime në trafik në disa pjesë të rajonit Hebei . Një bllokadë e ngjashme e trafikut, rreth 100 kilometra e gjatë, ndodhi një javë më parë, ku policisë iu nevojiten nëntë ditë për t’u përballur me situatën.

Kamionxhinjtë në protesta nëse s'hiqen kartonat e gjelbërt

albina — Thu, 02 Sep 2010 17:30:32 +0000

Vozitësit e kamionëve u kërcënuan se do ta bllokojnë Shkupin nëse qeveria nuk deklarohet rreth heqjes së kartonëve të gjelbër. Qytetarët kërkojnë që gjatë regjistrimit të makinës të paguhet ky lloj sigurimi, me çka secili makinë do të pajiset me këtë dokument. Ndërsa, kompanitë e sigurimeve paralajmërojnë se nëse ulet çmimi i kartonëve të gjelbër do të shtrenjtohet sigurimi i makinave. Ultimatum i kamionxhinjve deri tek kryeministri. 15 kamionë mund tërësisht ta bllokojnë Shkupin nëse deri në 7 shtator Nikolla Gruevski nuk i përgjigjet në kërkesën për ndërprerje të pagesës për kartonin e gjelbër. Sindikati i tyre, Makam Trans kërkon që kartonin e gjelbër ta marrin të gjithë vozitësit në fund të regjistrimit pa asnjë pagim shtesë e cila tani për kamionët është rreth 700 euro, ndërsa për makinat 160 euro në vit.
“Edhe bullgarët nuk kanë nevojë për karton të gjelbërt, por e marrin të gjithë. Në Mal të Zi, në Francë, në Gjermani, pra nuk ekziston makinë që në fund të regjistrimit nuk merr karton të gjelbër edhe atë pa pagesë... Mjaftojnë 15 kamionë që të bllokohet Shkupi”, kërcënoi Strasho Jovanovski, Makam Trans.
Kamionxhinjtë nga Gruevski kërkojnë ndryshim të sistemit të dhënies së CEMT lejeve dhe ulje të shpenzimeve për regjistrim të makinave. Qëndrime të ngjashme kanë edhe një pjesë e qytetarëve. Për disa është e pranueshme edhe shtrenjtimi në një masë i sigurimit të makinës nëse hiqet pagesa e kartonit të gjelbër.
“Të hyn në përbërje të regjistrimit edhe kartoni i gjelbër, të jetë sikur në vendet tjera”.
“Kam shëtitur mbarë Evropën dhe Australinë, por këtu është shumë shtrenjtë, është një tragjedi”.
Njohësit e këtij problemi pohojnë se kartoni i gjelbër ekziston për shkak të çmimit të ulët të sigurimit të makinave që paguhet gjatë regjistrimit të tyre në Maqedoni.
Sipas tyre, ky sigurim do të shtrenjtohet për të gjithë vozitësit nëse ndërpritet kartoni të cilin sot e paguajnë vetëm ata që udhëtojnë jashtë vendit. Nga qeveria dhe byroja nacionale për sigurim thonë se analizat janë në rrjedhë e sipër, ndërsa qëndrimin për çështjen e kartonit të gjelbër do ta shprehin kah mesi i këtij muaji.